| e-texts navigator |
| Wylie |
320b1 བྱེ་བྲག་ཏུ་འཕགས་པའི་ཚིག་དང་ཡི་གེ་རྒྱུན་ཆགས་པས་སྙིང་རྗེ་ཆེན་པོ་ལ་དམིགས་པའི་སེམས་དང་ཡིད་ལ་བྱེད་པས། གཞན་ལ་རྒྱ་ཆེར་རབ་ཏུ་བསྟན་པར་བྱའོ།། རབ་ཏུ་གདོན་པར་བྱའོ།། བཤ
320b2 པར་བྱའོ། ། དེ་ཅིའི་ཕྱིར་ཞེ་ན། གཞོན་ནུ་ཆོས་ཐམས་ཅད་ཀྱི་རྩ་བ་དང་བཞི་ནི་ཆོས་ཐམས་ཅད་ཀྱི་རང་བཞིན་མཉམ་པ་ཉིད་རྣམ་པར་སྤྲོས་པའི་ཏིང་ངེ་འཛིན་གྱི་རྒྱལ་པོ་འདི་ཡིན་ནོ།། གཞོན
320b3 ནུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ཐབས་ཀྱིས་བསྟན་པའི་བརྩོན་འགྲུས་དང་ལྡན་པས། དེ་བཞིན་གཤེགས་པ་བཞུགས་པ་འམ། ཡོངས་སུ་མྱ་ངན
320b4 ལས་འདས་པ་དག་གི་དེ་བཞིན་གཤེགས་པའི་མཆོད་རྟེན་རྣམས་ལ་མཆོད་པ་རྒྱ་ཆེར་བྱ་བ་ལ་བརྩོན་པར་གྱུར་ཅིང་། ཆོས་རྣམས་ཀྱི་རང་བཞིན་མཉམ་པ་ཉིད་རྣམ་པར་སྤྲོས་པའི་ཏིང་ངེ་འཛིན་གྱི་རྒྱལ
320b5 པོ་འདི་གཞན་དག་ལ་རྒྱ་ཆེར་རབ་ཏུ་སྟོན་པ་དེའི་ཚེ། གཞོན་ནུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་རྣམ་པར་ཐར་པའི་སྒོ་ལ
320b6 གནས་པར་འགྱུར་ཏེ། དེ་ཆོས་གང་ལ་ཡང་མི་དམིགས་སོ།། བྱང་ཆུབ་སེམས་དཔའ་སེམས་དཔའ་ཆེན་པོ་མི་དམིགས་པའི་ཏིང་ངེ་འཛིན་གྱི་རྣལ་འབྱོར་ལ་གནས་པ་ནི། སྨོན་ལམ་ཐམས་ཅད་ལ
320b7 གནས་པར་འགྱུར་རོ། ། གཞོན་ནུ་བྱང་ཆུབ་སེམས་དཔའ་སེམས་དཔའ་ཆེན་པོ་སྨོན་ལམ་ཐམས་ཅད་ལ་གནས་པ་ནི། བདག་དང་སེམས་ཅན་ཀུན་གྱི་སྨོན་ལམ་ཐམས་ཅད་ཡོངས་སུ་རྫོགས་པར
iiif viewer powered by OpenSeadragon
