| e-texts navigator |
| Wylie |
318a1 ཡང་མཆོད་རྟེན་འགྱུར། ། ཐ་དད་པ་ཡི་ཞིང་ནས་ཀྱང་།། བྱང་ཆུབ་སེམས་དཔའ་ལྷག་པ་རྣམས།། ཤཱཀྱ་སེང་གེའི་སྐྱོབ་པ་ཡི།། སངས་རྒྱས་བསྔགས་པ་བརྗོད
318a2 པར་བྱེད། ། སྒྲ་དེ་སུ་དག་ཐོས་པ་ནི།། དེ་དག་འཇིག་རྟེན་འདྲེན་པར་འགྱུར།། ཕན་ཡོན་བསམ་གྱིས་མི་ཁྱབ་པ།། མདོ་སྡེ་འདི་ནི་ངེས་རབ་བཤད།། པདྨ་བྱེ་བ་བསམ་མི་ཁྱབ།། འདབ་མ
318a3 དག་ནི་གསེར་ལས་བྱས། ། སྙིང་པོ་སྦྲུལ་གྱི་སྙིང་པོ་སྟེ།། དེར་ནི་དེ་དག་རབ་ཏུ་སྤྲུལ།། ཡལ་ག་དག་ཀྱང་བཻ་ཌཱུཪྻ།། ཁོག་པ་དག་ནི་ཤེལ་ཡིན་ཏེ།། ཟེ་བ་དཔལ་གྱི་སྙིང་པོ་ཅན།། དེར་ནི་མཛེས
318a4 པ་རྣམས་ཀྱང་སྤྲུལ། ། དེ་དག་དྲི་ཡང་བསམ་མི་ཁྱབ།། རྒྱུན་མི་འཆད་པར་འབྱུང་བ་ཡིས།། ཞིང་རྣམས་བྱེ་བ་ཀུན་ཏུ་གང་།། པདྨའི་དྲི་ནི་བསམ་མི་ཁྱབ།། ཡིད་དུ་འོང་བར་འབྱུང་བ་ཡི།། དྲི་དེ།
318a5 སུ་ཡིས་བསྣམས་པ་ཡང་།། དེ་དག་རབ་ཏུ་སེམས་དགའ་ཞིང་།། ནད་རྣམས་ཐམས་ཅད་ཞི་བར་འགྱུར།། འདོད་ཆགས་ཞེ་སྡང་གཏི་མུག་རྣམས།། མ་ལུས་པར་ནི་ཟད་འགྱུར་ཏེ།། དེ་དག་ཉེས་པ
318a6 གསུམ་ཟད་ནས། ། སངས་རྒྱས་བདེ་བ་སྦྱིན་པར་འགྱུར།། དེ་དག་ལས་ནི་སྒྲ་འབྱུང་སྟེ།། སངས་རྒྱས་སྒྲ་ནི་བསམ་མི་ཁྱབ།། དམ་པའི་ཆོས་དང་དགེ་འདུན་སྒྲ།། རྣམ་པ་ཀུན་ནི་འབྱུང་བར་འགྱུར།།
318a7 སྟོང་པ་ཉིད་དང་མཚན་མེད་དང་།། སྟོན་པ་མེད་པའི་སྒྲ་འབྱུང་སྟེ།། དེ་ཐོས་སེམས་ཅན་བྱེ་བ་མང་།། ཕྱིར་མི་ལྡོག་པར་རབ་ཏུ་འགྱུར།། སྒྲ་དེ་དག་ནི་འབྱུང་བ་ཡང་།། ཞིང་རྣམས་བྱེ་བར་འགྲེབ
iiif viewer powered by OpenSeadragon
