| e-texts navigator |
| Wylie |
317b1 པ་པུ་ཤུ་སྟེགས་བུ་དག། ཡིད་དུ་འོང་བ་གྲངས་མེད་རྣམས།། ཞལ་མེད་ཁང་དང་ཟླ་གམ་དང་།། སྐར་ཁུང་དེ་བཞིན་བྱ་རྒྱ་བྲེས།། རིན་ཆེན་སྣ་ཚོགས་བརྒྱན་པ་ཡི།། བདུག་པའི་སྣོད་དུ
317b2 བདུག་པས་བདུག། བདུག་པ་དག་ནི་བདུགས་པ་ཡིས།། སངས་རྒྱས་ཞིང་འདི་རབ་ཏུ་གང་།། དེ་ཡི་དྲི་ནི་ཡིད་འོང་བ།། ཞིང་ཡང་བྱེ་བ་སྟོང་དུ་ལྡང་།། དེ་དག་ཀུན་ཏུ་ཁྱབ་བྱས་ནས།།
317b3 སྤོས་ཀྱི་ཆར་ཡང་རབ་ཏུ་འབེབས།། གང་གིས་དྲི་དེ་བསྣམས་པ་ཡང་།། དེ་དག་སངས་རྒྱས་འདྲེན་པར་འགྱུར།། དེ་དག་འདོད་ཆགས་ཟུག་རྔུ་སྤངས།། ཞེ་སྡང་སྲེད་པ་ཡོང་མེད་དེ།།
317b4 རྒྱ་མོ་ཆེན་པོ་རྣམ་པར་དྲལ།། མུན་པ་ཀུན་ཀྱང་མེད་པར་འགྱུར།། དེར་ནི་རྫུ་འཕྲུལ་ཐོབ་གྱུར་ཏེ།། དབང་སྟོབས་བྱང་ཆུབ་ཡན་ལག་དང་།། བསམ་གཏན་ཐར་པ་རྣམ་པར་རེག། དེ་དག
317b5 སྦྱིན་པར་འོས་པར་འགྱུར། ། སྟན་ཡང་ཡིད་དུ་འོང་བ་རྣམས།། བྱེ་བ་ཕྲག་ལྔ་རབ་བཤམས་ཏེ།། རིན་ཆེན་དྲ་བས་བརྒྱན་པ་ཡི།། གོས་རྣམས་བྱེ་བ་རབ་ཏུ་བཏིང་།། དེ་ལ་དཔའ་བོ་གྲགས་པ
317b6 ཆེ། ། བྱང་ཆུབ་སེམས་དཔའ་དེ་དག་འདུག། མཚན་དང་དེ་བཞིན་དཔེ་བྱད་ཀྱིས།། དེ་དག་ཤིན་ཏུ་རྣམ་པར་འབར།། སངས་རྒྱས་ཞིང་འདི་ཐམས་ཅད་ཀྱང་།། རིན་ཆེན་ཤིང་གིས་ལེགས་བརྒྱན་ཏེ།། ཡན།།
317b7 ལག་བརྒྱད་ལྡན་ནས་གང་བ།། རྫིང་བུ་དག་ནི་རྣམ་པར་སྤྲུལ།། རྫིང་བུའི་འགྲམ་ན་གནས་པ་རྣམས།། དེ་དག་དེ་ལས་ཆུ་འཐུངས་ནས།། ཐམས་ཅད་སྲེད་པ་བསལ་ནས་ནི།། འཇིག་རྟེན་གྱི
iiif viewer powered by OpenSeadragon
