| e-texts navigator |
| Wylie |
304b1 རྒྱས་བླ་ན་མེད་པ་ནི། ། བྱང་ཆུབ་སེམས་དཔའ་རྟོགས་པར་བྱེད།། སངས་རྒྱས་ཡེ་ཤེས་རྟོགས་བྱེད་པས།། སངས་རྒྱས་ཤེས་ཀྱང་དེ་ཕྱིར་བརྗོད།། དངོས་མེད་སྨོན་པ་མེད་པ་དང་།། མཚན་མ་མེད་དང་སྟོང
304b2 པ་ཉིད། ། རྣམ་ཐར་སྒོ་ནི་འདི་དག་གིས།། སྒོ་དག་སངས་རྒྱས་རབ་ཏུ་སྟོན།། མིག་དང་རྣ་བ་སྣ་དག་དང་།། ལྕེ་དང་ལུས་དང་དེ་བཞིན་ཡིད།། དེ་དག་རང་བཞིན་སྟོང་པ་ནི།། སངས་རྒྱས་དག་གིས་རབ་ཏུ་བཤད།།
304b3 དེ་ལྟ་བུ་ཡི་ཆོས་རྣམས་ཀྱི།། རང་བཞིན་དག་ནི་སུས་ཤེས་པ།། ཆོས་ཀྱི་མཚན་ཉིད་ཤེས་པས་ན།། དེ་ནི་བརྩོད་པར་མི་བྱེད་དོ།། འདི་ནི་བྱང་ཆུབ་སེམས་དཔའ་དག། དཔའ་བོ་སྐྱོབ་པའི་སྤྱོད་ཡུལ་ཏེ།།
304b4 ཆོས་རྣམས་སྟོང་པར་ཤེས་པ་ནི།། དེ་དག་ནམ་ཡང་ནེམ་ནུར་མེད།། ཆོས་ཀྱི་རང་བཞིན་ཤེས་པས་ན།། དེ་ཕྱིར་སངས་རྒྱས་ཞེས་བྱ་སྟེ།། སེམས་ཅན་བསམ་གྱིས་མི་ཁྱབ་ཅིང་།། དཔག་ཏུ་མེད་པར་བྱང་ཆུབ
304b5 འདུལ། ། སངས་རྒྱས་སྒྲས་ནི་གང་བྱས་པ།། ཚུལ་ཁྲིམས་སྒྲས་ཀྱང་དེ་བྱས་ཏེ།། སངས་རྒྱས་སྒྲ་དང་ཚུལ་ཁྲིམས་སྒྲ།། དེ་དག་གཉི་གའི་མཚན་ཉིད་གཅིག། ཇི་སྙེད་སྒྲ་དག་པརྗོད་པ་ནི།། རབ
304b6 དང་འབྲིང་དང་ཐ་མ་རྣམས། ། མཉམ་པར་གཞག་པའི་སྒྲ་གཅིག་ལ།། སངས་རྒྱས་སྒྲས་ནི་བསྟན་པ་ཡིན།། སངས་རྒྱས་སྒྲ་ནི་ཡུལ་མི་གནས།། ཕྱོགས་ལའང་གནས་པ་མ་ཡིན་བརྗོད།། སྐྱེས་དང
304b7 འགགས་པ་མ་ཡིན་ཏེ། ། དེ་བཞིན་གཅིག་དང་ཐ་དད་མིན།། དེ་དག་གསར་རམ་རྙིང་མ་ཡིན།། དེ་དག་ལ་ནི་རློམ་སེམས་མེད།། སེར་པོ་མ་ཡིན་སྔོན་པོ་མིན།། དཀར་པོ་མ་ཡིན་དམར་པོ་མིན།། བརྗོད
iiif viewer powered by OpenSeadragon
