| e-texts navigator |
| Wylie |
303a1 བསྟན་པ་སྟེ། ། འདི་ལ་མུ་སྟེགས་ལོག་པ་མང་པོ་འདི་དག་འཁྱམས།། བྱང་ཆུབ་ལ་ནི་སྨད་བྱས་ངན་སོང་འཇིགས་པར་ལྷུང་།། བསྐལ་པ་མང་པོ་བྱེ་བ་ཁྲག་ཁྲིག་སྟོང་དུ་ཡང་།།
303a2 དེ་དག་སྡུག་བསྔལ་མི་བཟད་ཚ་བ་དེ་མྱོང་ནས།། བསྐུལ་པ་ཁྲག་ཁྲིག་མང་པོ་དག་ནི་འདས་ནས་ཡང་།། དེ་ནི་དེ་དག་མི་འཆི་འཐོབ་པའི་རྒྱུར་འགྱུར་རོ།། གང་དག་ཕྱི་དུས་འཇིགས་ལ་བདེ་བར་གཤེགས
303a3 པ་ཡི། ། མདོ་སྡེ་རབ་ཏུ་ཞི་བ་འདི་ནི་སྲུང་བྱེད་པ།། དེ་དག་བྱང་ཆུབ་མཆོག་རབ་འདི་ནི་རྙེད་མི་དཀའ།། དེ་དང་དེ་དག་ཕྱི་དུས་ཆོས་འཛིན་ལུང་བསྟན་ཡིན།། ཆོས་ཐམས་ཅད་ཀྱི་རང་བཞིན་ངེས་པར
303a4 བསྟན་པའི་ལེའུ་སྟེ་སུམ་ཅུ་རྩ་གཉིས་པའོ། ། །། འཕགས་པ་ཏིང་ངེ་འཛིན་གྱི་རྒྱལ་པོའི་མདོ།། བམ་པོ་བཅུ་པ།། ། དེ་ནས་ཡང་བཅོམ་ལྡན
303a5 འདས་ཀྱིས། ཟླ་འོད་གཞོན་ནུར་གྱུར་པ་ལ་བཀའ་སྩལ་པ། གཞོན་ནུ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ། ཆོས་ཐམས་ཅད་ལ་མངོན་པར་ཤེས་པ་ཆེན་པོའི་བྱི་དོར་བྱ་བ་ཡོངས་སུ
303a6 སྦྱང་བར་འདོད་པས། ཆོས་ཐམས་ཅད་ཀྱི་རང་བཞིན་མཉམ་པ་ཉིད་རྣམ་པར་སྤྲོས་པའི་ཏིང་ངེ་འཛིན་འདི་མཉན་པར་བྱ། གཟུང་བར་བྱ། ཀུན་ཆུབ་པར་བྱ། བཅང་བར་བྱ། བཀླགས་པར་བྱ། རབ་ཏུ
303a7 གདོན་པར་བྱ། ལུང་མནོད་ཅིང་ཁ་ཏོན་དུ་བྱ། ཉོན་མོངས་པ་མེད་པའི་བསྒོམ་པས་བསྒོམ་པར་བྱ་མདུདག། གཞན་ལ་ཡང་རྒྱ་ཆེར་ཡང་དག་པར་རབ་ཏུ་བསྟན་པར་བྱའོ།། གཞོན་ནུ་ཆོས་ཐམས་ཅད་ལ་མངོན་པར
iiif viewer powered by OpenSeadragon
