| e-texts navigator |
| Wylie |
301b1 དེ་ཡིས་སྲིད་པ་ཐམས་ཅད་རྣམ་པཤིག་རྟག་ཏུ་སྟོང་།། དེ་ཡི་འདུ་ཤེས་ཐམས་ཅད་མ་ལུས་རབ་ཏུ་སྤངས།། དེ་དང་དེ་དག་ཆོས་ཀྱི་རང་བཞིན་དམ་པ་སྟོན།། དེ་དག་རིང་པོར་མི་ཐོགས་བླ་མེད་བྱང་ཆུབ་རེག
301b2 གང་དག་ཆོས་ཀྱི་རང་བཞིན་སྤྱོད་ཡུལ་ངེས་རྟོགས་པ། ། དེ་དག་གིས་ནི་སྦྱིན་པ་མཐའ་ཡས་མུ་མེད་བྱིན།། ཆོས་ཀྱི་རང་བཞིན་ཤིན་ཏུ་ཞི་བ་གང་ཤེས་པ།། དེ་ནི་མདོ་སྡེ་བྱེ་བ་མཐའ་ཡས་འཆད་པར
301b3 བྱེད། ། དེ་ལས་ལྷག་པར་གངྒཱའི་ཀླུང་གི་བྱེ་མ་སྙེད།། བཤད་ཀྱང་དེ་ཡི་སྤོབས་པའི་རྒྱུན་ནི་འཆད་པ་མེད།། ཆོས་ཀྱི་རང་བཞིན་ཤིན་ཏུ་ཞི་བ་གང་ཤེས་པ།། དེ་ནི་བསྐལ་པ་བྱེ་བ་ཁྲག་ཁྲིག་སྟོང་དུ་ཡང་།།
301b4 ཡེ་ཤེས་དག་ནི་རྟག་ཏུ་འཕགས་པར་རབ་བཞིན།། ཆོས་རྣམས་སྟོན་པ་དག་ནི་ཟད་པར་ཡོང་མི་འགྱུར།། ཆོས་ཀྱི་རང་བཞིན་ཤིན་ཏུ་ཞི་བ་གང་ཤེས་པ།། སྤོབས་པ་ཡངས་ཤིང་རྒྱ་ཆེར་བསམ་གྱིས་མི་ཁྱབ
301b5 འགྱུར། ། བྱང་ཆུབ་དམ་པ་རྟག་ཏུ་ཁོར་མོར་ཚོལ་བ་ན།། མདོ་སྡེ་དག་ཀྱང་བྱེ་བ་མཐའ་ཡས་རབ་ཏུ་འཆད།། ཆོས་འདི་ཐམས་ཅད་དངོས་པོ་མེད་པར་གང་ཤེས་པ།། རྐང་གཉིས་གཙོ་བོས་ཆོས་གང་བཤད་ཅིང་བསྟན
301b6 པ་ཡང་། ། དེ་དག་ཐམས་ཅད་ཐོས་ནས་ཡོངས་སུ་རྫོགས་པར་འཛིན།། དེ་ནི་ཚིག་གཅིག་ལ་ཡང་ཐེ་ཙོམ་འབྱུང་མི་འགྱུར།། ཆོས་ཀྱི་རང་བཞིན་རྟག་ཏུ་སྟོང་པར་གང་ཤེས་པ།། དེ་ནི་རྟག་ཏུ་བྱེ་བྲག་འཕགས
301b7 ཤིང་གཏོང་ལྡན་འགྱུར། ། སྡུག་བསྔལ་དག་ལ་བདེ་བ་སྦྱིན་པའི་སྦྱིན་བདག་ཡིན།། སེམས་ཅན་སྡུག་བསྔལ་མཐོང་ནས་རིན་ཆེན་ཚིམ་པར་བྱེད།། ཆོས་ཀྱི་རང་བཞིན་རྟག་ཏུ་སྟོང་པར་གང་ཤེས
iiif viewer powered by OpenSeadragon
