| e-texts navigator |
| Wylie |
301a1 ལས་རབ་ཏུ་ཤེས། ། ཆོས་ཀྱི་རང་བཞིན་ཤིན་ཏུ་ཞི་བ་གང་ཤེས་པ།། དེ་ནི་རིང་པོ་མི་ཐོགས་རྐང་གཉིས་གཙོ་བོར་འགྱུར།། དེ་ནི་སྨན་པ་དཔྱད་ཤེས་བདེ་བ་སྦྱིན་པར་འགྱུར།
301a2 དེནི་སྡུག་བསྔལ་ཟུག་རྔུ་ཐམས་ཅད་འབྱིན་པར་བྱེད།། ཆོས་ཀྱི་རང་བཞིན་ཤིན་ཏུ་ཞི་བ་གང་ཤེས་པ།། དེ་ནི་སེམས་ཅན་འདི་དག་སྡུག་བསྔལ་ན་རིག་ནས།། དེ་ནི་རྟག་ཏུ་བདུད་རྩི་དག་གི་རྔ་དག
301a3 བརྡུང་། ། དེ་དང་དེ་ནི་རིང་པོ་མི་ཐོགས་འདྲེན་པར་འགྱུར།། དེ་ནི་སྨན་གྱི་ཚུལ་ལ་མཁས་པ་སྨན་པའི་མཆོག། ཐམས་ཅད་ནད་ཀྱི་གཞི་དང་གང་གིས་འཐར་པ་ཤེས།། དེ་ནི་ཡང་དག་ཚུལ་ལ
301a4 བསླབས་པ་བློ་གྲོས་ལྡན། ། བསླབས་ནས་ཤིན་ཏུ་འཁྱམས་པའི་སེམས་ཅན་མང་པོ་འགྲོལ།། ཆོས་ཀྱི་རང་བཞིན་ཤིན་ཏུ་ཞི་བ་གང་ཤེས་པ།། དེ་ནི་སྟོང་པ་ཉིད་ཀྱི་ཚུལ་མཁས་བློ་གྲོས་དཔའ།། དེ་ནི
301a5 འཇིག་རྟེན་རྟག་ཏུ་མ་ཆགས་བསོད་སྙོམས་ཟ། ། དེ་ནི་སེམས་ཅན་མང་པོ་བྱང་ཆུབ་མཆོག་ལ་འགོད།། ཆོས་ཀྱི་རང་བཞིན་ཤིན་ཏུ་ཞི་བ་གང་ཤེས་པ།། དེ་ནི་མི་ཡི་ཟླ་བ་བཟོད་པ་སྟོབས་ཀྱིས་འཕགས།།
301a6 དེ་ནི་རྡོ་དང་དབྱིག་པས་བརྡེགས་ཀྱང་མི་ཁྲོ་སྟེ།། དེ་ནི་ལུས་དང་ཡན་ལག་ག་ཅད་ཀྱང་འཁྲུག་པ་མེད།། ཆོས་ཀྱི་རང་བཞིན་ཤིན་ཏུ་ཞི་བ་གང་ཤེས་པ།། དེ་ནི་བཟོད་པའི་སྟོབས་ལ་གནས་པ་སྟོབས་ལྡན་ཡིན།།
301a7 དེ་ནི་རབ་ཏུ་ཞི་བའི་བཟོད་པའི་དངོས་མི་མཐོང་།། དེ་ནི་བློ་དཔའ་བཟོད་པའི་སྟོབས་ལ་རློམ་སེམས་མེད།། ཆོས་ཀྱི་རང་བཞིན་ཤིན་ཏུ་ཞི་བ་གང་ཤེས་པ།། དེ་ནི་བདག་ཅག་སྙམ་དུ་རྣམས་ཀྱང་སེམས་མི་འགྱུར།།
iiif viewer powered by OpenSeadragon
