| e-texts navigator |
| Wylie |
300b1 གྱི་ལེའུ་སྟེ་སུམ་ཅུ་རྩ་གཅིག་པའོ། ། །། དེ་ནས་ཡང་བཅོམ་ལྡན་འདས་ཀྱིས། ཟླ་འོད་གཞོན་ནུར་གྱུར་པ་ལ་བཀའ་སྩལ་པ། གཞོན་ནུ་དེ་ལྟ་བས་ན་བྱང་ཆུབ་སེམས་དཔའ
300b2 སེམས་དཔའ་ཆེན་པོ། གང་ཇི་ལྟར་ཆོས་ཐམས་ཅད་ཀྱི་རང་བཞིན་ཤེས་པར་བྱ་སྙམ་པའི་བྱང་ཆུབ་སེམས་དཔའ་སེམས་དཔའ་ཆེན་པོས་དེས་ཆོས་ཐམས་ཅད་ཀྱི་རང་བཞིན་མཉམ་པ་ཉིད་རྣམ་པར་སྤྲོས
300b3 བའི་ཏིང་ངེ་འཛིན་འདི་མཉན་པར་བྱ། གཟུང་བར་བྱ། ཀུན་ཆུབ་པར་བྱ། བཅང་བར་བྱ། བཀླགས་པར་བྱ། རབ་ཏུ་གདོན་པར་བྱ། ལུང་མནོད་ཅིང་ཁ་ཏོན་ཏུ་བྱ། ཉོན་མོངས་པ་མེད་པའི་སྒོམ་པས་བསྒོམ
300b4 པར་བྱ། མང་དུ་བྱ། གཞན་ལ་ཡང་ཡང་དག་པར་རབ་ཏུ་བསྟན་པར་བྱའོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ།། ཆོས་ཀྱི་རང་བཞིན
300b5 ཤིན་ཏུ་ཞི་བ་གང་ཤེས་པ། ། དེ་ལ་འདོད་ཆགས་ལྡང་བ་མེད་ཅིང་ཞེ་སྡང་མེད།། ཁྱུ་མཆོག་ལ་ནི་ནམ་ཡང་གཏི་མུག་ལྡང་བ་མེད།། དེས་ནི་ཉོན་མོངས་མ་ལུས་ཐམས་ཅད་སྤངས་པ་ཡིན།། ཆོས་ཀྱི
300b6 རང་བཞིན་ཤིན་ཏུ་ཞི་བ་གང་ཤེས་པ། ། དེ་ནི་བདེ་གཤེགས་ཐུགས་སྲས་བསླབ་པ་ཡང་མི་འདོར།། དཔའ་བོ་བུད་མེད་དབང་དུ་ནམ་ཡང་མི་འགྲོ་སྟེ།། དེ་དང་དེར་ནི་བདེ་གཤེགས་བསྟན་པའི་དགའ
300b7 བ་མྱོང་། ། ཆོས་ཀྱི་རང་བཞིན་ཚུལ་ཁྲིམས་རིགས་པ་གང་ཤེས་པ།། དེ་ནི་མཁས་པ་བློ་ལྡན་ཡེ་ཤེས་ཆོ་ག་ཤེས།། དེ་དང་དེ་ནི་སངས་རྒྱས་མཐའ་ཡས་མུ་མེད་མཐོང་།། དེ་ནི་གཟུགས་དང་ཡེ་ཤེས་མཐའ
iiif viewer powered by OpenSeadragon
