| e-texts navigator |
| Wylie |
300a1 དུལ་བའི་ས་ལ་གནས། ། འཇམ་ཞིང་དགའ་བའི་ཚིག་སྨྲ་ཤིན་ཏུ་བདེ་བར་ཟེར།། ཐར་པ་འདོད་པ་ཏིང་འཛིན་རྡུལ་བྲལ་འདི་འཛིན་ན།། དེ་ནི་གཏམ་བྱེད་འགྱུར་ཡང་རྩོད་ཅིང་འཐབ
300a2 པ་མེད། ། ཞེ་སྡང་ཐ་བ་དེ་དག་མ་ལུས་རྣམ་སྤངས་ཏེ།། རྟག་པར་རབ་ཏུ་དགའ་ཞིང་དེས་ལ་མཉེན་པ་ཡིན།། ཐར་པ་འདོད་པའི་ཏིང་འཛིན་རྡུལ་བྲལ་འདི་འཛིན་ན།། མཁས་པ་རྟག་ཏུ་གཏོང་ལ་མོས་པར་རབ
300a3 འགྱུར་ཏེ། ། ཤིན་ཏུ་སྡུག་བསྔལ་སྐྱེ་བོ་མཐོང་ནས་ཁ་ཟས་སྦྱིན།། གཏོང་ལ་ཤིན་ཏུ་དགའ་ཞིང་བདག་ཉིད་སྤྱོད་མི་དགའ།། ཐར་པ་འདོད་པ་ཏིང་འཛིན་རྡུལ་བྲལ་འདི་འཛིན་ན།། ལྷ་ཡང་བརྒྱ་སྟོང་དེ་ལ་སྨོན
300a4 པ་ཤིན་ཏུ་སྐྱེ། ། ཀླུ་དང་ལྷ་མིན་གནོད་སྦྱིན་རྟག་ཏུ་གཡོག་བྱེད་དེ།། ནགས་དང་ནགས་འདབ་གནས་པ་དེ་ལ་བསྲུང་བར་བྱེད།། ཚིག་ནི་ཐོགས་པ་མེད་ཅིང་ཚངས་པའི་སྒྲ་དབྱངས་ཏེ།། དང་པོའི་སྒྲ་སྐད་མི
300a5 འམ་ཅི་ཡི་གླུ་ཡི་དབྱངས། ། དབྱངས་ཀྱི་ཡན་ལག་ལྔ་བརྒྱ་དགའ་བའི་སྒྲ་སྐད་དེ།། སྒྲ་སྒྲགས་ཤིན་ཏུ་གྲགས་པའི་སྒྲ་ཡི་མཆོག་ཏུ་འགྱུར།། ཇི་སྙེད་ཞིང་རྣམས་དེ་དག་སྐྱེས་བུ་ལ་ལ་ཡིས།། ཕྲ་བའི
300a6 རྡུལ་དུ་བྱས་པ་ཤེས་པར་ནུས་ཀྱང་ན། ། ཏིང་འཛིན་རྡུལ་བྲལ་མཆོག་འདི་མི་གང་འཛིན་པ་དག། དེ་ཡི་དབྱངས་སྒྲ་དེ་བས་ཤིན་ཏུ་མང་བར་འགྱུར།། ཏིང་འཛིན་རྡུལ་བྲལ་འདི་ཡང་མི་གང་འཛིན་པ་ན།
300a7 དབང་བཅུ་འཐོབ་ཅིངས་ཡང་བརྒྱད་དང་གཉིས་འཐོབ་སྟེ།། མཁས་པས་སངས་རྒྱས་ཆོས་རྣམས་བསམ་ཡས་ཐོབ་པར་འགྱུར།། བདུད་རྣམས་ཐམས་ཅད་བཏུལ་ནས་བྱང་ཆུབ་དམ་པ་རེག། ཕན་ཡོན
iiif viewer powered by OpenSeadragon
