| e-texts navigator |
| Wylie |
299b1 ཏིང་ངེ་འཛིན་འདི་མཉན་པར་བྱ། གཟུང་བར་བྱ། ཀུན་ཆུབ་པར་བྱ། བཅང་བྱ། བཀླགས་པར་བྱ། རབ་ཏུ་གདོན་པར་བྱ། ལུང་ནོད་ཅིང་ཁ་ཏོན་དུ་བྱ། ཉོན་མོངས་པ་མེད་པའི་སྒོམ་པས་བསྒོམ
299b2 པར་བྱ། ། མང་དུ་བྱ། གཞན་ལ་ཡང་རྒྱ་ཆེར་རབ་ཏུ་བསྟན་པར་བྱའོ།། དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ།། ཐར་པར་འདོད་པའི་ཏིང་འཛིན་རྡུལ་བྲལ་འདི
299b3 འཛིན་ན། ། དེས་ནི་འདས་པའི་འདྲེན་པ་ཚད་མེད་རྣམས་ཀྱང་མཐོང་།། སྔོན་གྱི་སྲིད་པར་བརྩོན་བྱས་འཇིག་རྟེན་མགོན་པོའི་དྲིས།། བྱང་ཆུབ་སེམས་དཔའ་དགེ་བའི་རྩ་བ་མཆོག་ལ་གནས།།
299b4 ཐར་པ་འདོད་པའི་ཏིང་འཛིན་རྡུལ་བྲལ་འདི་འཛིན་ན།། ལྷ་དང་མི་ཡི་བདེ་བ་གྱ་ནོམ་རྙེད་པར་འགྱུར།། ལྷ་དང་མི་ཡི་མཆོད་པ་དམ་པ་དེས་འཐོབ་སྟེ།། བསམ་གཏན་བདེ་དང་འཕགས་པའི་བདེ་བ
299b5 མཆོག་ཀྱང་འཐོབ། ། ཐར་པ་འདོད་པ་ཏིང་འཛིན་རྡུལ་བྲལ་འདི་འཛིན་ན།། བསྔགས་པ་རྒྱ་ཆེར་ཐོས་ཀྱང་དེ་ནི་དགའ་མི་འགྱུར།། མི་སྙན་པ་དག་ཐོས་ཀྱང་ཞུམ་པར་མི་འགྱུར་ཏེ།། འཇིག་རྟེན་ཆོས་བརྒྱད
299b6 དག་གིས་མི་སྐུལ་རི་བོ་བཞིན། ། ཐར་པ་འདོད་པའི་ཏིང་འཛིན་རྡུལ་བྲལ་འདི་འཛིན་ན།། དགེ་ཞིང་མཉེན་པར་སྨྲ་ལ་འཇམ་པའི་ཚིག་དང་ལྡན།། ཁྲོ་གཉེར་མེད་ཅིང་རྟག་ཏུ་གསོང་པོར་སྨྲ་བར་འགྱུར།།
299b7 བཞིན་ཡང་འཛུམ་ཞིང་འདྲེན་པ་དག་གི་རྗེས་སུ་སློབ།། ཐར་པ་འདོད་པའི་ཏིང་འཛིན་རྡུལ་བྲལ་འདི་འཛིན་ན།། དེས་ཤིང་འགྲོགས་ན་བདེ་ལ་མཛའ་བའི་སེམས་སུ་འགྱུར།། རྟག་པར་རབ་ཏུ་དུལ་ཞིང
iiif viewer powered by OpenSeadragon
