| e-texts navigator |
| Wylie |
298a1 གཞན་ལ་མི་སྙན་མི་བརྗོད་དེ། ། རྟག་ཏུ་བསམ་གཏན་དགའ་ཞིང་ཕྲ་བའི་སེམས།། མི་གང་ཏིང་འཛིན་མཆོག་འདི་འཛིན་པ་ནི།། རྟག་ཏུ་བདག་ཉིད་ལ་ཡང་རྟོགས་འགྱུར་ཏེ།
298a2 གཞན་གྱི་འཁྲུལ་པ་དག་ནི་དེ་མི་ཚོལ།། འཇིག་རྟེན་ཀུན་དང་དེ་ནི་མི་འཕྲོད་མེད།། མི་གང་ཏིང་འཛིན་མཆོག་འདི་འཛིན་པ་ནི།། སྤྱོད་པ་ཡོངས་དག་སེམས་ལ་ཉོན་མོངས་མེད།། རྟག་ཏུ་གཡོ་ཡང་མེད་ཅིང
298a3 འདྲིད་པ་མེད། ། ཁོར་མོར་འཇམ་ཞིང་རྣམ་པར་ཐར་ལ་དགའ།། མི་གང་ཏིང་འཛིན་མཆོག་འདི་འཛིན་པ་ནི།། རྟག་ཏུ་གཏོང་ལ་ཤིན་ཏུ་མོས་པར་འགྱུར།། དེ་ནི་སེར་སྣའི་སེམས་ལ་དགའ་མི་བྱེད།།
298a4 ཁོར་མོར་ཚུལ་ཁྲིམས་དང་ཡང་ལྡན་པར་འགྱུར།། མི་གང་ཏིང་འཛིན་མཆོག་འདི་འཛིན་པ་ནི།། བྱད་བཞིན་བཟང་ཞིང་བལྟ་སྡུག་མཛེས་པ་སྟེ།། མདོག་ཀྱང་གསེར་མདོག་འདྲ་བར་སྣང་བར་བྱེད།།
298a5 སུམ་ཅུ་རྩ་གཉིས་མཚན་རྣམས་འཆང་བར་འགྱུར།། མི་གང་ཏིབ་འཛིན་མཆོག་འདི་འཛིན་པ་ནི།། དེ་དག་རྟག་པར་རབ་ཏུ་མཛེས་པར་འགྱུར།། ཁོར་མོར་རྟོག་ཅིང་སྐྱེ་བོ་མང་པོ་ལ།། ཕངས་ཤིང་སྡུག་སྟེ།
298a6 ལྟ་བས་མི་ངོམས་འགྱུར།། མི་གང་ཏིང་འཛིན་མཆོག་འདི་འཛིན་པ་ནི།། ལྷ་དང་ཀླུ་དང་དེ་བཞིན་གནོད་སྦྱིན་རྣམས།། རྟག་ཏུ་ཡིད་རངས་དགའ་ཞིང་མགུ་ནས་ནི།། གྲོང་དུ་ཞུགས་ནས་དེ་ཡི་བསྔགས
298a7 བ་སྨྲ། ། མི་གང་ཏིང་འཛིན་མཆོག་འདི་འཛིན་པ་ནི།། ཚངས་པ་བརྒྱ་བྱིན་དབང་སྒྱུར་མང་པོ་དག། རྟག་པར་དེ་ལ་རིམ་གྲོ་རབ་ཏུ་བྱེད།། དེ་ཡི་ཡིད་ཀྱང་ཁེངས་པར་ཡོང་མི་འགྱུར།། མི་གང་ཏིང་འཛིན
iiif viewer powered by OpenSeadragon
