| e-texts navigator |
| Wylie |
297b1 མི་གང་ཏིང་འཛིན་མཆོག་འདི་འཛིན་པ་ནི།། འཁྲིག་པ་དག་ལ་ཡིད་ཀྱང་དགའ་མི་བྱེད།། ཞི་གནས་དགའ་ཞིང་བསམ་གཏན་བདེ་བ་རེག། རབ་ཏུ་ཞི་བའི་དབྱངས་སུ་ཞི་བར་སྨྲ།། མི་གང་ཏིང་འཛིན།
297b2 མཆོག་འདི་འཛིན་པ་ནི།། དེ་ཡིད་མཚན་མ་དག་ལ་མི་དགའ་སྟེ།། མཚན་མ་མང་པོ་ཐམས་ཅད་རྣམ་པར་བཤིག། མཁས་པ་རྟག་ཏུ་མཉམ་པར་བཞག་ཅིང་སྤྱོད།། མི་གང་ཏིང་འཛིན་མཆོག་འདི
297b3 འཛིན་པ་འདི། ། དེའི་མིག་ཀྱང་ཐ་མལ་མ་ཡིན་འཐོབ།། དེས་ནི་རྒྱལ་བ་མཐའ་ཡས་མཐོང་བར་འགྱུར།། མཐའ་ཡས་མིག་ལྡན་དེ་ནི་ཁྱུ་མཆོག་འགྱུར།། མི་གང་ཏིང་འཛིན་མཆོག་འདི་འཛིན་པ་ནི།།
297b4 ཁྲུང་ཁྲུང་སྒྲ་དབྱངས་འཇམ་ཞིང་མཉེན་དང་ལྡན།། ཀ་ལ་བིངྒ་རྔ་ཡི་དབྱངས་སུ་འགྱུར།། གླུ་དབྱངས་ལྡན་ཞིང་སྒྲ་སྐད་འཇམ་པར་འགྱུར།། མི་གང་ཏིང་འཛིན་མཆོག་འདི་འཛིན་པ་ནི།། སྤྲིན་གྱི་འབྲུག
297b5 སྒྲགས་པ་ཡི་སྐད་རྣམས་དང་། ། ངང་བའི་སྒྲ་དབྱངས་བཞིན་དུ་འཇམ་པར་སྒྲོག། དབྱངས་ཀྱི་ཡན་ལག་ལྔ་བརྒྱར་ལྡན་པའི་སྒྲ།། མི་གང་ཏིང་འཛིན་མཆོག་འདི་འཛིན་པ་ནི།། བསྐལ་པ་བྱེ་བ་མང་པོ
297b6 ཁྲག་ཁྲིག་ཏུ། ། དབྱངས་ཀྱི་ཡན་ལག་སྣ་ཚོགས་ལྡན་པ་ཡི།། སྒྲ་དབྱངས་སྙན་པ་བསམ་གྱིས་མི་ཁྱབ་འབྱུང་།། མི་གང་ཏིང་འཛིན་མཆོག་འདི་འཛིན་པ་ནི།། ཟས་ལ་ཡིད་ཀྱང་ཆགས་པར་མི་འགྱུར་ཏེ།།
297b7 ལྷུང་བཟེད་ཆོས་གོས་དག་ལ་དགའ་མ་ཡིན།། འདོད་པ་ཉུང་ཞིང་ཆོག་ཤེས་ཡོ་བྱད་བསྙུངས།། མི་གང་ཏིང་འཛིན་མཆོག་འདི་འཛིན་པ་ནི།། བདག་ཉིད་ལ་ཡང་སྟོང་པར་མི་འགྱུར་ཞིང་།། གར་ཡང
iiif viewer powered by OpenSeadragon
