| e-texts navigator |
| Wylie |
296a1 གྱུར་པའི་ཚེ། ། སྐྱེ་བོའི་ཚོགས་རྣམས་སྡུག་བསྔལ་མཐོང་ནས་ནི།། སྙིང་རྗེ་བསྐྱེད་ནས་བདེ་བར་གྱུར་ཅིག་ཅེས།། དེ་དག་ལ་ནི་ང་ཡིས་རྒྱལ་སྲིད་བཏང་།། གཞོན་ནུ་ངས་ནི།
296a2 ངོ་མཚར་བྱས་པ་དང་།། བསྐལ་པ་བརྒྱ་མང་དཀའ་བ་ཅི་སྤྱད་པ།། ངས་ནི་བསྐལ་པ་བྱེ་བ་ཁྲག་ཁྲིག་ཏུ།། དེ་དག་བཤད་ཀྱང་ཟད་པར་མི་ནུས་སོ།། ཏིང་འཛིན་ཞི་བ་མཆོག་འདི་ཚོལ་བའི་ཕྱིར།། ངས་ནི་ངོ་།
296a3 མཚར་དཀའ་བ་སྤྱད་པ་ནི།། བདེ་བར་གཤེགས་པའི་སྤྱོད་ལ་མ་དད་པ།། མི་རྣམས་སེམས་ནི་མོས་ཤིང་བསླད་པར་འགྱུར།། གཞོན་ནུ་ཁྱོད་ལ་ཤིན་ཏུ་བསྒོ་བར་བྱ།། དད་པར་གྱིས་ཤིག་ང་ལ
296a4 མི་བདེན་མེད། ། བདེ་གཤེགས་རྫུན་གྱི་ཚིག་ནི་མི་གསུང་སྟེ།། ཐུགས་རྗེ་རྒྱལ་བ་རྟག་ཏུ་བདེན་པར་གསུང་།། ཇི་ལྟར་ཏིང་འཛིན་མཆོག་ཀྱང་འཐོབ་འགྱུར་ཞིང་།། སེམས་ཅན་ཁྲག་ཁྲིག་སྡུག་བསྔལ།
296a5 ཟར་བྱ་ཞེས།། བསྐལ་པ་མང་པོར་སྤྱོད་པ་འདི་དག་དང་།། གཞན་ཡང་ངས་ནི་རྣམ་པ་མང་པོ་སྤུངས།། སྐད་ཅིག་གང་ལ་ཏིང་འཛིན་འདི་ཡང་ནི།། ང་ཡིས་རབ་ཏུ་ཐོབ་པར་གྱུར་པའི་ཚེ།། ཏིང་འཛིན
296a6 དམ་པ་ཡེ་ཤེས་ཆེན་པོའི་ལམ། ། ངོས་ཐོབ་སངས་རྒྱས་ཁྲག་ཁྲིག་མང་པོ་མཐོང་།། རྫུ་འཕྲུལ་དག་ཀྱང་མཐའ་ཡས་ངས་ཐོབ་སྟེ།། ཞིང་བརྒྱ་དག་ཏུ་རྣམ་པར་སྤྲུལ་པས་འགྲོ།། སོང་ནས་ངས་ནི
296a7 སྙིང་རྗེ་ལྡན་པ་ལ། ། དྲི་བ་བྱེ་བ་ཁྲག་ཁྲིག་མང་པོ་དྲིས།། བདེ་གཤེགས་དག་གིས་ང་ལ་ཅི་བསྟན་པ།། དེ་ཚེ་དྲི་བ་བྱེ་བ་ཁྲག་ཁྲིག་བཟུང་།། ང་ཡིས་མ་ལུས་ཐམས་ཅད་བཟུང་བྱས་ཏེ།། ཚིག
iiif viewer powered by OpenSeadragon
