| e-texts navigator |
| Wylie |
295b1 ཡོངས་སུ་གཙང་བ་ཀ་ཤིག་དུ་གུལ་མཆོག། གསེར་གྱིས་སྤྲས་པ་མང་པོ་ཡོངས་སུ་བཏང་།། ཏིང་འཛིན་ཞི་བ་མཆོག་འདི་ཚོལ་བའི་ཕྱིར།། རྟ་དང་བ་ལང་ཤིང་རྟ་སྣ་ཚོགས་དང་།། བུ་དང་ཆུང་མ་རབ་སྡུག
295b2 ངས་བཏང་སྟེ། ། ཡིད་མི་བདེ་བ་ནམ་ཡང་མ་བྱུང་ངོ་།། ཏིང་འཛིན་ཞི་བ་མཆོག་འདི་ཚོལ་བའི་ཕྱིར།། ཚོལ་བས་སྡུག་བསྔལ་ཉོན་མོངས་གྱུར་པ་ཡི།། ཤིན་ཏུ་དབུལ་བའི་མི་དག་ངས་མཐོང་ནས།།
295b3 དེ་དག་ངས་ནི་དབུལ་བ་མེད་པར་བྱས།། ཏིང་འཛིན་ཞི་བ་མཆོག་འདི་ཚོལ་བའི་ཕྱིར།། རྟ་དང་བ་ལང་ཤིང་རྟ་ཁྲག་ཁྲིག་དག། ནོར་བུ་རིན་ཆེན་བརྒྱན་པའི་དྲ་བས་གཡོགས།། ངས་སྔོན་སློང་བ་དག་ལ་སྦྱིན
295b4 པར་བྱ། ། ཏིང་འཛིན་ཞི་བ་མཆོག་འདི་ཚོལ་བའི་ཕྱིར།། ངས་སྔོན་བསྐྱེད་མོའི་ཚལ་ནི་མང་པོ་དག། བྱེ་བ་ཁྲག་ཁྲིག་ལེགས་པར་བརྒྱན་བྱས་ཏེ།། ཡིད་ཀྱང་དགའ་ཞིང་སྙིང་རྗེ་བསྐྱེད་ནས་བྱིན།།
295b5 ཏིང་འཛིན་ཞི་བ་མཆོག་འདི་ཚོལ་བའི་ཕྱིར།། གྲོང་དང་གྲོང་ཁྱེར་ཡུལ་འཁོར་གྲོང་འདབ་ཀྱང་།། ངས་སྔོན་ལེགས་པར་བརྒྱན་ནས་ཡོངས་སུ་བཏང་།། བྱིན་ནས་རྟག་ཏུ་དགའ་བ་མྱོང་བར་བྱས།།
295b6 ཏིང་འཛིན་ཞི་བ་མཆོག་འདི་ཚོལ་བའི་ཕྱིར།། རིན་ཆེན་ཕུང་པོ་རི་རབ་མཉམ་པ་དང་།། དེ་བཞིན་གོས་དང་རྒྱན་རྣམས་མང་པོ་ཡང་།། ངས་སྔོན་སློང་བ་དག་ལ་སྦྱིན་པ་བྱས།། ཏིང་འཛིན་ཞི་བ་མཆོག
295b7 འདི་ཚོལ་བའི་ཕྱིར། ། ཤིན་ཏུ་དབུལ་བ་ངས་ནི་ཕྱུག་པོར་བྱས།། རབ་ཏུ་ཉོན་མོངས་གྱུར་པ་ངས་བསྐྱབས་ཏེ།། སྡུག་བསྔལ་གཙེས་པ་མང་པོ་བདེ་བར་བྱས།། ངས་ནི་ས་སྟེང་དབང་ཕྱུག
iiif viewer powered by OpenSeadragon
