| e-texts navigator |
| Wylie |
112b1 འབྲེལ་བར་འབྱུང་བ་མ་ཡིན། ། དེ་བཞིན་གཤེགས་པ་ནི་རེག་པ་ལས་སྐྱེས་པ་མ་ཡིན།། རེག་པ་འདུས་པ་ལས་བྱུང་བ་མ་ཡིན། ཚོར་བ་ཇི་ལྟ་བ་བཞིན་དུ་རེག་པ་ལས་སྐྱེས་པ་མ་ཡིན་ནོ།། དེ་ཅིའི་ཕྱིར
112b2 ཞེ་ན། དེ་བཞིན་གཤེགས་པ་ནི་ཚོར་བ་ཐམས་ཅད་འགོག་པའི་ཏིང་ངེ་འཛིན་ལ་སྙོམ་པར་ཞུགས་པ་སྟེ། ཚོར་བ་དང་བྲལ་བ། ཚོར་བ་ཐམས་ཅད་ཀྱི་མཆོག་བརྙེས་པ། གདུང་བ་ཐམས་ཅད་ཤིན་ཏུ་སྦྱངས
112b3 པ་ཉོན་མོངས་པ་དང་། གཙེ་བ་དང་། གནོད་པ་ཐམས་ཅད་སྤངས་པ། མ་བཅིངས་པ། མ་གྲོལ་བ། ཡོངས་སུ་མྱ་ངན་ལས་མ་འདས་པ། ཡོངས་སུ་མྱ་ངན་ལས་འདས་པའི་དབྱིངས་རྙོག་པ་མེད་པའོ།། །
112b4 དེ་བཞིན་གཤེགས་པ་ནི་མ་སྐྱེས་པ། རྣམ་པར་མི་རྟོག་པ།། མི་མཐོང་བ། མི་ཐོས་པ། བསྣམ་དུ་མེད་པ། མྱང་དུ་མེད་པ། རེག་པར་བྱར་མེད་པ། མཚན་མར་མེད་པ། རྣམ་པར་མི་རིག་པ། རྣམ་པར་ཤེས
112b5 པར་བྱ་བ་མ་ཡིན་པའོ་སྙམ་མོ། ། དེས་དེ་ལྟར་སོ་སོར་བརྟགས་ན། ཚོར་བ་དེ་བཞིན་གཤེགས་པ་མ་ཡིན། ཚོར་བ་ལས་གཞན་པ་ཡང་མ་ཡིན་ནོ།། དེ་ཅིའི་ཕྱིར་ཞེ་ན། གལ་ཏེ་ཚོར་བ་ལས་གཞན་ཞིག
112b6 དེ་བཞིན་གཤེགས་པར་འགྱུར་ན་ནི། རྩཝ་དང་། ཤིང་གེལ་བ་དང་། སྨན་དང་། འཁྲི་ཤིང་དང་། ནགས་ཚལ་ཐམས་ཅད་ཀྱང་དེ་བཞིན་གཤེགས་པར་འགྱུར་རོ།། དེ་ཅིའི་ཕྱིར་ཞེ་ན། རྩཝ་དང་། ཤིང་གལ་བ
112b7 དང་སྨན་དང་། འཁྲི་ཤིང་འཛིངས་པ་དང་། ནགས་ཚལ་ཐམས་ཅད་ནི་ཚོར་བ་མེད་པའོ་སྙམ་མོ།། དེ་འདི་ལྟར་སོ་སོར་རྟོག་སྟེ། གལ་ཏེ་ཚོར་བ་དེ་བཞིན་གཤེགས་པ་མ་ཡིན། ཚོར་བ་ལས་གཞན་པ
iiif viewer powered by OpenSeadragon
