| e-texts navigator |
| Wylie |
111b1 རྩིབ་པ་དང་། ཤིང་དང་བོང་བ་དང་། མིག་ཡོར་ལྟ་བུ་ངན་པ། དབུ་བ་རྡོས་པ་ལྟ་བུ་ཡིན་ཞིང་། འབྱུང་བ་ཆེན་པོ་བཞི་ཕན་ཚུན་ནས་བསྡུས་པ་ནི་གཟུགས་ཞེས་བྱའོ།། གཟུགས་ནི་རྟེན་ཅིང་འབྲེལ་པ
111b2 ལས་འབྱུང་ངོ་། ། གང་རྟེན་ཅིང་འབྲེལ་པར་འབྱུང་བ་དེ་མི་རྟག་པའོ།། གང་མི་རྟག་པ་ནི་སྡུག་བསྔལ་བའོ།། གང་སྡུག་བསྔལ་བ་དེ་བདག་མེད་པའོ།། གང་བདག་མེད་པ་དེ་རང་བཞིན་མེད་པའོ།།
111b3 གང་རང་བཞིན་མེད་པ་དེ་སྣང་བ་མེད་པའོ།། གང་སྣང་བ་མེད་པ་དེ་ཡང་དག་པ་མ་ཡིན་པའོ།། གང་ཡང་དག་པ་མ་ཡིན་པ་དེ་བརྫུན་པ་སླུ་བའི་ཆོས་སོ།། གང་བརྫུན་པ་བསླུ་བའི་ཆོས་དེ་མི་བདེན་པའོ།།
111b4 གང་མི་བདེན་པ་དེ་དེ་བཞིན་ཉིད་མ་ཡིན་ནོ།། གང་དེ་བཞིན་ཉིད་མ་ཡིན་པ་དེ་དེ་བཞིན་གཤེགས་པ་མ་ཡིན་ནོ།། དེ་བཞིན་གཤེགས་པ་ནི་བདེན་པ་ཡང་དག་པ་དེ་བཞིན་ཉིད་མ་ནོར་བ་དེ་བཞིན་ཉིད།། གཞན
111b5 མ་ཡིན་པ་དེ་བཞིན་ཉིད། མ་ལོག་པ་བདེན་པ་སྨྲ་བ། ཡང་དག་པ་སྨྲ་བ། ཤེས་པ་སྨྲ་བ། ཡེ་ཤེས་ཀྱི་མཚོན་ཆ་ཅན།། ཡེ་ཤེས་མཐའ་ཡས་པ་དང་ལྡན་པ། ཐམས་ཅད་མཁྱེན་པ། ཐམས་ཅད་གཟིགས་པ
111b6 སྟོབས་ཅུ་དང་ལྡན་པ། ། མི་འཇིག་པ་བཞི་དམ་པའི་ཕ་རོལ་ཏུ་ཕྱིན་པ་ཐོབ་པ། མི་རྟོག་པ། རྣམ་པར་མི་རྟོག་པ། མི་གོས་པ། ནམ་མཁའ་དང་མཚུངས་པ། གྲངས་ཀྱི་ཆོས་རྣམས་ཀྱིས་མི་འགྲངས་པ། མ
111b7 བྱས་པ་མ་སྐྱེས་པ། མ་འགགས་པ། འཇུག་པ་མེད་པ།། མཐའ་ཡས་པ། གནས་མེད་པ། རྣམ་པར་མི་རིག་པ། རྣམ་པར་ཤེས་པར་བྱ་བ་མ་ཡིན་པ། ཀུན་ཏུ་རྒྱུ་བ་མེད་པ། ཤིན་ཏུ་དག་པ། ཉོན་མོངས
iiif viewer powered by OpenSeadragon
