| e-texts navigator |
| Wylie |
111a1 ཡང་དག་པར་གཅོད་པ། ། མཐའ་དང་མཐའ་མེད་པ་ཡིད་ལ་མི་བྱེད་པ།། ཡིད་ལ་བྱེད་པ་ཡང་དག་པར་གཅོད་པ། ཕུང་པོ་དང་ཁམས་དང་།། སྐྱེ་མཆེད་ཀྱི་རང་བཞིན་ཤེས་པ།
111a2 དྲན་པ་དང་། བློ་གྲོས་དང་། མོས་པ་དང་། རྟོག་པ་དང་། ངོ་ཚ་ཤེས་པ་དང་། སྤྱོད་པ་དང་། ཆོ་ག་དང་། སྤྱོད་ཡུལ་ལ་ནན་ཏན་དུ་བྱེད་ཅིང་གནས་པ། ཉོན་མོངས་པ་མེད་པའི་ས་དང་ལྡན་པ། ཞི
111a3 པའི་ས་དང་ལྡན་པ། སྤྲོས་པ་ཐམས་ཅད་ཡང་དག་པར་གཅོད་པ། བྱང་ཆུབ་སེམས་དཔའི་བསླབ་པ་ཐམས་ཅད་དང་། དེ་བཞིན་གཤེགས་པའི་སྤྱོད་ཡུལ་ཐམས་ཅད་དང་། ཡོན་ཏན་ཐམས་ཅད
111a4 ཡོངས་སུ་སྒྲུབ་པ་འདི་ནི། ། བཟང་སྐྱོང་ཏིང་ངེ་འཛིན་འདིའི་ཡོངས་སུ་སྦྱང་བར་བྱའོ།། བཟང་སྐྱོང་བྱང་ཆུབ་སེམས་དཔའ་ནི་ཆོས་ལ་སེམས་ཤིང་།། ཆོས་སྤྱོད་པ་ཡིན་ཏེ། དེས་ནི་དེ་བཞིན་གཤེགས
111a5 པ་ཆོས་ཀྱི་སྐུར་ཡང་དག་པར་རྗེས་སུ་མི་མཐོང་ན། ཆོས་ཀྱི་སྐུ་ལས་གཞན་དུའང་དམིགས་པ་ལྟ་ཅི་སྨོས། བཟང་སྐྱོང་འདི་ལ་བྱང་ཆུབ་སེམས་དཔའ་འདི་ལྟར་སོ་སོར་བརྟག་པར་བྱ་སྟེ། དེ་བཞིན་གཤེགས
111a6 པ་ཞེས་བྱ་བའི་ཚིག་འདིའི་དོན་ཇི་ལྟ་བུ། ཅི་གཟུགས་དེ་བཞིན་གཤེགས་པ་ཡིན་ནམ། འོན་ཏེ་གཟུགས་ལས་གཞན་ཞིག་དེ་བཞིན་གཤེགས་པ་ཡིན་སྙམ་དུ་དེ་ལྟར་དཔྱོད་པ་ལ་མཁས་པར་བྱའོ།།
111a7 དེ་འདི་ལྟར་སོ་སོར་རྟོག་སྟེ། གཟུགས་ཀྱང་དེ་བཞིན་གཤེགས་པ་མ་ཡིན་ལ་གཟུགས་ལས་གཞན་པ་ཡང་མ་ཡིན་ནོ།། དེ་ཅིའི་ཕྱིར་ཞེ་ན། གཟུགས་ནི་བེམས་པོ་གཡོ་བ་མེད།། སྤྱོད་པ་མེད། རྩཝ་དང
iiif viewer powered by OpenSeadragon
