| e-texts navigator |
| Wylie |
110b1 ཅིང་གནས་པ་དང་། སེམས་ཅན་ཡོངས་སུ་སྨིན་པ་རྣམས་ཇི་ལྟ་བ་བཞིན་དུ་གདུལ་བའི་ཕྱིར་སེམས་ཀྱིས་སྐད་ཅིག་ལ་དགའ་ལྡན་གྱི་གནས་ན་གནས་པ་དང་། འཆི་འཕོ་བ་དང་། སྐྱེ་བ་དང་། མངོན་པར་འབྱུང
110b2 བ་དང་། དཀའ་བ་སྤྱོད་པ་ཀུན་ཏུ་སྟོན་པ་དང་། བྱང་ཆུབ་ཀྱི་སྙིང་པོར་འགྲོ་བ་དང་། བདུད་འདུལ་བ་ཀུན་ཏུ་སྟོན་པ་དང་། མངོན་པར་རྫོགས་པར་བྱང་ཆུབ་པ་དང་། ཆོས་ཀྱི་འཁོར་ལོ་རབ་ཏུ་བསྐོར་བ་དང་།
110b3 ཡོངས་སུ་མྱ་ངན་ལས་འདས་པ་ཆེན་པོ་ཀུན་ཏུ་སྟོན་པ་ནས་ཇི་ཙམ་དུ་དམ་པའི་ཆོས་གནས་པ་དང་། ནུབ་པའི་བར་ཕྱོགས་བཅུ་ཐམས་ཅད་ཀྱི་རྡུལ་ཕྲ་རབ་ཀྱི་རྡུལ་སྙེད་དག་ཀུན་ཏུ་སྟོན་པ་ཡང་ཤེས་ལ
110b4 ཤིན་ཏུ་མངོན་པར་རྫོགས་པར་ཡང་འཚང་མི་རྒྱ་བ་སྟེ། བཟང་སྐྱོང་འདི་ནི་རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་གྱི་ཏིང་ངེ་འཛིན་ཅེས་བྱའོ།། །། བམ་པོ་གཉིས་པ།། །
110b5 ། བཟང་སྐྱོང་ཏིང་ངེ་འཛིན་འདིའི་ཡོངས་སུ་སྦྱང་བ་བྱས་པ་གང་ཞེ་ན། བཟང་སྐྱོང་གང་ཡང་ཀུན་ཏུ་འཛིན་པ་མི་འདོར་བ།། མི་འཇོག་པ་འདུ་བྱེད་ཐམས་ཅད་རབ་ཏུ་ཞི་བ།། ཆོས་ཐམས་ཅད་ཇི་ལྟ
110b6 བཞིན་དུ་ཁོང་དུ་ཆུད་པ། ཆོས་ཐམས་ཅད་ཀྱི་མཉམ་པ་ཉིད་ལ་འཇུག་པ། ཆོས་ཐམས་ཅད་ལ་མི་རྟོག་པ།། རྣམ་པར་མི་རྟོག་པ་རྣམ་པར་མི་བསྒྲུབ་པ་ཀུན་ནས་མི་སློང་བ། མི་སྐྱེད་པ།། རྟོག་པ་དང་།
110b7 རྣམ་པར་རྟོག་པ་དང་། ཀུན་ཏུ་རྟོག་པར་ཡང་དག་པར་གཅོད་པ། སེམས་ཀྱི་དམིགས་པ་ཡིད་ལ་མི་བྱེད་པ། རྣམ་པར་ཤེས་པ་ཡང་དག་པར་གཅོད་པ།། འདོད་ཆགས་དང་། ཞེ་སྡང་དང་། གཏི་མུག
iiif viewer powered by OpenSeadragon
