| e-texts navigator |
| Wylie |
109b1 གཅོད་ཅིང་། ། སེམས་ཅན་ཉེ་བར་འཛིན་པའི་སྤྱོད་པའི་བྱིན་གྱི་བརླབ་པ་ཀུན་ཏུ་སྟོན་པ་ཤེས་པ་དང་། དེ་བཞིན་གཤེགས་པའི་ཡེ་ཤེས་ལ་རྣམ་པར་ལྟ་བ་མངོན་སུམ་དུ་ཤེས་པ་དང་། དེ་བཞིན་གཤེགས་པའི
109b2 གསང་བ་ལ་འཇུག་པ་ཤེས་པ་དང་། སེམས་ཞི་ཞིང་རབ་ཏུ་ཞི་ལ་ཉེ་བར་ཞི་བ་དང་།། འདུལ་བ་ཇི་ལྟ་བ་བཞིན་དུ་སེམས་ཅན་ཐམས་ཅད་ལ་དགའ་བ་དང་། རྩེ་བ་དང་། ལོངས་སྤྱོད་ཐམས་ཅད་ཀུན་ཏུ་སྟོན།
109b3 པ་ཤེས་པ་དང་། ཐོས་པ་ཚད་མེད་པ་འཛིན་པ་ཡང་དག་པར་རྫོགས་པ་དང་། ཐོས་པ་ཐམས་ཅད་ཀྱིས་མི་ངོམས་ཤིང་མི་ཆོག་ལ་རྒྱུན་མི་གཅོད་པ་དང་། ཆོས་ཐམས་ཅད་མི་དམིགས་པ་དང་། འཇིག
109b4 རྟེན་གྱི་བྱ་བ་དང་། ཚུལ་སྣ་ཚོགས་ལ་འཇུག་པ་དང་། འཇིག་རྟེན་གྱི་ཆོས་ཐམས་ཅད་ཀྱིས་མི་གོས་པ་དང་། འདུལ་བ་ཇི་ལྟ་བ་བཞིན་དུ་སེམས་ཅན་ཡོངས་སུ་སྨིན་པར་བྱེད་པ་དང་། ལྐུགས་པ་སྣ
109b5 མི་གསང་ལ་གྲུམ་པོ། ། གླེན་པ་འོན་པ། ལོང་བ་ཐམས་ཅད་ལ་སྤྱོད་ལམ་ཀུན་ཏུ་སྟོན་པ་དང་། བསྐལ་པ་གྲངས་མེད་པ་སེ་གོལ་གཅིག་གཏོགས་པ་སྲིད་དུ་བྱིན་གྱིས་རློབ་ཅིང་ཆོས་སྟོན་པ་ཤེས་པ་དང་།
109b6 བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ཟིལ་གྱིས་གནན་པའི་ཕྱིར་ལག་ན་རྡོ་རྗེ་བརྒྱ་སྟོང་གྲངས་མེད་བསམ་གྱིས་མི་ཁྱབ་གཞལ་དུ་མེད་དཔག་ཏུ་མེད།། ཚད་མེད་པ་ཕྱི་བཞིན་དུ་འབྲང་བ་དང་།
109b7 སེམས་ཅན་ཡོངས་སུ་སྨིན་པར་བྱ་བའི་ཕྱིར་དབུལ་པོ་དང་། སྡུག་འཕོང་པ་བྱིན་གྱིས་རློབ་པ་དང་། སངས་རྒྱས་ཐམས་ཅད་ཀྱི་བྱང་ཆུབ་རང་བྱུང་གི་ཡེ་ཤེས་ལ་ལྟ་བ་ལ་མངོན་སུམ་དུ་ཤེས་པ་དང་། ཉན་ཐོས
iiif viewer powered by OpenSeadragon
