| e-texts navigator |
| Wylie |
108b1 ཆོས་ཐམས་ཅད་མཚན་ཉིད་མེད་པར་རྟོག་པར་ཤེས་པ་ལ་མཁས་པར་ཤེས་པ་དང་། ལུས་ཐམས་ཅད་ལ་ལུས་འཇུག་པ་ཤེས་པ་དང་། སྐད་གཅིག་བརྗོད་པས་སྐད་ཐམས་ཅད་ངེས་པར་སྒྲོག་པ་ཤེས།
108b2 པ་དང་། ཐབས་མཁས་པ་ཐམས་ཅད་ཀྱི་ཚུལ་རྟོགས་པར་ཤེས་པ་དང་། ཚིག་གཅིག་ལ་བརྩམས་ཏེ་བསྐལ་པ་བྱེ་བ་གྲངས་མེད་བསམ་གྱིས་མི་ཁྱབ་གཞལ་དུ་མེད་པ་སྟོན་པ་ཤེས་པ་དང་། སྤོབས་པ
108b3 རྒྱུན་མི་འཆད་པ་དང་། བསྒྲུབ་པ་དང་མི་བསྒྲུབ་པ་ཤེས་པ་ལ་རྣམ་པར་དཔྱོད་པ་དང་། ཕྲུགས་དང་།། ཆ་དང་སྣརེལ་ཞིའི་འབྱེད་པ་བསྟན་པ་ཤེས་པ་དང་། ཐབས་དང་ཤེས་རབ་ཆེན་པོའི་འོད་ཟེར་རབ་ཏུ
108b4 གཏོང་བ་ཤེས་པ་དང་། བདུད་ཀྱི་ལས་ཐམས་ཅད་ལས་ཤིན་ཏུ་འདའ་བ་ཤེས་པ་དང་། ལུས་དང་ངག་དང་ཡིད་ཀྱི་ལས་ཀྱི་སྔོན་དུ་ཡེ་ཤེས་འགྲོ་བ་དང་། སོ་སོ་ཡང་དག་པར་རིག་པ་བཞིས་སེམས་ཅན་གྱི
108b5 ཁམས་ཐམས་ཅད་ཚིམ་པར་བྱེད་དང་། བསོད་ནམས་མངོན་པར་འདུ་བྱེད་པས་རྫུ་འཕྲུལ་ཐོབ་པ་དང་། ཆོས་ཀྱི་དབྱིངས་ཐམས་ཅད་དུ་རྣམ་པར་འཕྲུལ་པ་ཀུན་ཏུ་སྟོན་པ་དང་། འཇིག་རྟེན་གྱི་ཁམས
108b6 ཐམས་ཅད་ཀྱི་སེམས་ཅན་རྣམས་ཀྱི་བརྗོད་པ་ཁོང་དུ་ཆུད་པ་དང་། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་ཐམས་ཅད་བསྡུ་བའི་དངོས་པོ་བཞིས་སྡུད་པ་དང་། སྒྱུ་མ་ལྟ་བུའི་ཆོས
108b7 བསྒྲུབ་པ་ལ་ཐེ་ཙོམ་མེད་པ་དང་། ཡོ་བྱད་ལ་དབང་ཐོབ་པ་དང་། སྐྱེ་བ་ཐམས་ཅད་ལ་དབང་ཐོབ་པ་ཡོངས་སུ་རྫོགས་པ་དང་། ཚུལ་ཁྲིམས་འཆལ་པ་དང་ཚུལ་ཁྲིམས་དང་ལྡན་པ་མཚུངས་པ་སྦྱིན་པའི
iiif viewer powered by OpenSeadragon
