| e-texts navigator |
| Wylie |
108a1 ཀྱི་ཆོས་ཐམས་ཅད་བསྟན་པ་ཀུན་ཏུ་འཛིན་ཅིང་བརྗེད་པ་མེད་པ་དང་། ཐེག་པ་ཆེན་པོ་ལས་མི་ཉམས་པ་དང་། ཐེག་པ་ཐམས་ཅད་ཀྱི་ངེས་པར་འབྱུང་བ་སྟོན་པ་ལ་མཁས་པ་དང
108a2 དཀོན་མཆོག་གསུམ་གྱི་རིགས་ཡང་དག་པར་འཛིན་པ་དང་། སྐྱེ་བའི་གནས་ཐམས་ཅད་དུ་བྱ་བ་ཅི་རིགས་པར་ཀུན་ཏུ་སྟོན་པ་དང་། ཕྱི་མའི་མཐའི་བསྐལ་པ་བྱེ་བར་གོ་ཆ་གྱོན་ཀྱང་ཡོངས་སུ་མི་སྐྱོ་བ་དང་།
108a3 སེམས་ཅན་ཐམས་ཅད་ཡོངས་སུ་སྨིན་པར་བྱེད་པ་ལ་མཁས་པར་ཤེས་པ་དང་། དབྱངས་ཀྱི་ཡན་ལག་ཐམས་ཅད་མངོན་པར་བསྒྲུབ་པ་ཤེས་པ་དང་། བསྐལ་པ་གཅིག་བསྐལ་པ་གྲངས་མེད་པ་ལ་འཇུག་པ
108a4 ཤེས་པ་དང་། ཆོས་ཐམས་ཅད་ལས་མངོན་པར་བྱུང་བའི་གནས་ཤེས་པ་དང་། ཞིང་ཐམས་ཅད་ཡང་དག་པར་འདུལ་བ་ལ་འཇུག་པ་ཤེས་པ་དང་། བསྐལ་པ་གྲངས་མེད་པ་བསྐལ་པ་གཅིག་ལ་འཇུག་པ
108a5 ཤེས་པ་དང་། ཞིང་གཅིག་ཞིང་ཐམས་ཅད་དུ་སྟོན་པ་ཤེས་པ་དང་། སེམས་ཅན་གཅིག་གིས་ལུས་ལ་སེམས་ཅན་ཐམས་ཅད་ཀྱི་ལུས་ཡང་དག་པར་འདུལ་བ་ལ་འཇུག་པ་ཤེས་པ་དང་། སྐྲ་ཙམ་གྱི་ཁྱོན
108a6 གཅིག་ལ་སངས་རྒྱས་ཀྱི་ཞིང་བསམ་གྱིས་མི་ཁྱབ་པ་འཇུག་པ་ཤེས་པ་དང་། རང་གི་ལུས་ཀྱི་སྤུའི་ཁུང་བུའི་ཕྱོགས་གཅིག་ཏུ་འཇིག་རྟེན་གྱི་ཁམས་གྲངས་མེད་བསམ་གྱིས་མི་ཁྱབ་གཞལ་དུ་མིད་པ་འཇུག
108a7 བ་ཤེས་པ་དང་། སངས་རྒྱས་ཀྱི་ཞིང་ཐམས་ཅད་ནམ་མཁའ་དང་མཚུངས་པ་ཉིད་དུ་ཁོང་དུ་ཆུད་ཅིང་ཤེས་པ་དང་། རང་གི་ལུས་ཀྱི་སངས་རྒྱས་ཀྱི་ཞིང་མ་ལུས་པ་ཐམས་ཅད་རྒྱས་པར་དགང་བ་ཤེས་པ་དང་།
iiif viewer powered by OpenSeadragon
