| e-texts navigator |
| Wylie |
107b1 པར་འཇུག་པ་ཐམས་ཅད་གཅིག་པ་དང་། མིང་མེད་པ་དང་། སྔོན་གྱི་གནས་རྗེས་སུ་དྲན་པར་ཤེས་པ་དང་། ཀུན་ཏུ་འགྲོ་བའི་ལམ་ཤེས་པས་ལྟ་བ་དང་། ཟག་པ་ཟང་པ་དང་། སྤོང་བ་དུས་གཅིག་ཏུ་ཐོབ་པ
107b2 ཤེས་པ་དང་། ལྷའི་མིག་གི་ཐོགས་པ་མེད་པས་ལྟ་བ་དང་། གཟུགས་ཐམས་ཅད་ཀུན་ཏུ་སྟོན་པས་རྣམ་པར་ཅན་པ་དང་། གཟུགས་དང་གཟུགས་མེད་པ་མཉམ་པ་ཉིད་དུ་འཇུག་པ་ཤེས་པ་དང་། དབྱངས
107b3 ཀྱི་ཡན་ལག་གི་ཚུལ་གྱི་གཟུངས་ལ་འཇུག་པ་ཤེས་པ་དང་། སྐད་ཐམས་ཅད་བྲག་ཆའི་སྐད་དང་མཚུངས་པ་ཉིད་དུ་ཤེས་པ་དང་། ཅི་རིགས་པར་ཆོས་སྟོན་པ་དང་། སེམས་ཅན་ཐམས་ཅད་ལ་ལེགས་པར
107b4 བཤད་པས་ཚིམ་པར་བྱེད་པ་དང་། དབང་པོ་རྗེ་བ་ཤེས་པ་དང་དུས་དང་དུས་མ་ཡིན་པར་རྣམ་པར་ལྟ་བ་དང་།། ཡང་དག་པའི་མཐའ་དང་། རྗེས་སུ་འཇུག་པ་ཤེས་པ་དང་། འབྲས་བུ་ཡོད་པའི་ཆོས་སྟོན
107b5 པ་དང་། ཕ་རོལ་ཏུ་ཕྱིན་པ་ཐམས་ཅད་ཡོངས་སུ་རྫོགས་པ་དང་། སེམས་ཅན་ཐམས་ཅད་ཡོངས་སུ་འཛིན་པ་དང་། ཚར་གཅོད་པ་མཁས་པར་ཤེས་པ་དང་། བརྟགས་པ་མ་ཡིན་པའི་སྤྱོད་ལམ་དང་ལྡན་པ
107b6 དང་། ཆོས་ཀྱི་དབྱིངས་འདྲེས་པ་མེད་པར་ཡང་དག་པར་འདུལ་བ་ལ་འཇུག་པ་ཤེས་པ་དང་། རྟོག་པ་དང་། རྣམ་པར་རྟོག་པ་དང་། ཡོངས་སུ་རྟོག་པ་ཐམས་ཅད་ཡང་དག་པར་འཇོམས་པ་དང་། སྐད་ཅིག།
107b7 གིས་དེ་བཞིན་གཤེགས་པ་ཐམས་ཅད་ཀྱི་ཞབས་ཀྱི་དྲུང་དུ་ལུང་སྟོན་པ་དང་། འཇིག་རྟེན་གྱི་ཁམས་ཐམས་ཅད་དུ་མིག་ཡོར་ལྟ་བུའི་ལུས་རྣམ་པར་འཕྲུལ་པ་དང་། དེ་བཞིན་གཤེགས་པ་ཐམས་ཅད
iiif viewer powered by OpenSeadragon
