| e-texts navigator |
| Wylie |
107a1 དང་། ལག་རྐྱོང་བ་དང་།། སེམས་ཤིན་ཏུ་འཛིན་པ་དང་། ཁྲེལ་ཡོད་པ་དང་། ངོ་ཚ་ཤེས་པ་དང་། མི་དགེ་བའི་སེམས་ལ་སྨོད་པ་དང་། སྦྱངས་པའི་ཡོན་ཏན་མི་གཏོང་བ་དང་། སྤྱོད་པ
107a2 ཡང་དག་པར་འཛིན་པ་དང་། མཛེས་པར་ཀུན་ཏུ་རྒྱུ་བ་དང་། བླ་མ་ལ་ལྡང་བ་དང་། སྟན་གདིང་བ་དང་། ང་རྒྱལ་ཚར་གཅོད་པ་དང་། སེམས་ཡང་དག་པར་འཛིན་པ་དང་། དོན་རབ་ཏུ་རྟོགས་པར་ཤེས་པ་དང་།
107a3 ཡེ་ཤེས་སྐྱེད་པ་དང་། མི་ཤེས་པ་དང་བྲལ་བ་དང་། སེམས་ལ་འཇུག་པ་ཤེས་པ་དང་། སེམས་ཀྱི་ངོ་བོ་ཉིད་ཁོང་དུ་ཆུད་ཅིང་ཤེས་པ་དང་། སྒྲུབ་པ་དང་མི་སྒྲུབ་པ་བསྒྲུབ་པ་ལ་མཁས་པའི་ཡེ་ཤེས་དང་ལྡན
107a4 པ་དང་། སེམས་ཅན་ཐམས་ཅད་ཀྱི་སྐད་ཤེས་པ་དང་། ངེས་པའི་ཚིག་རྣམ་པར་གཞག་པ་ཤེས་པ་དང་། དོན་རྣམ་པར་ངེས་པ་ཤེས་པ་དང་། དོན་མ་ཡིན་པ་རྣམ་པར་སྤོང་བ་དང་། བསམ་གཏན་རྣམ་པར
107a5 བསྒྲུབ་པ་དང་། དེ་དག་གི་རོ་མྱོང་བར་མི་བྱེད་པ་དང་། སེམས་ཅན་ཐམས་ཅད་ཀྱི་སེམས་ལ་རྣམ་པར་ལྟ་ཞིང་སོ་སོར་རྟོག་པ་དང་། སེམས་ཅན་གྱི་དབང་པོ་མཆོག་དང་མཆོག་མ་ཡིན་པར་ཤེས་པ་དང་། གནས
107a6 དང་གནས་མ་ཡིན་པ་ལ་རྣམ་པར་ལྟ་བ་དང་། ལས་ཐམས་ཅད་འབྱེད་པ་དང་། ལས་དང་རྣམ་པར་སྨིན་པ་མེད་པ་ལ་འཇུག་པ་ཤེས་པ་དང་། མོས་པ་སྣ་ཚོགས་ལ་འཇུག་པ་དང་། བརྗེད་ངས་པ་མེད་པ་དང་།
107a7 ཁམས་སྣ་ཚོགས་དང་། ཁམས་དུ་མ་མངོན་སུམ་དུ་གྱུར་པ་དང་། རྡོ་རྗེ་ལྟ་བུའི་ཏིང་ངེ་འཛིན་ཀུན་ཏུ་མཐོང་བ་དང་། ཚངས་པའི་དབྱངས་ཀྱི་ཏིང་ངེ་འཛིན་ལ་རྣམ་པར་བརྩོན་པ་དང་། ཏིང་ངེ་འཛིན་དང་། སྙོམས
iiif viewer powered by OpenSeadragon
