| e-texts navigator |
| Wylie |
106b1 བསམ་པས་མགྲོན་དུ་གཉེར་བ་དང་།། ཇི་སྐད་སྨྲས་པ་བཞིན་དུ་བྱེད་པ་དང་། ཕྱིར་ཞིང་བརྩོན་པ་དང་། བསྟི་སྟང་བྱས་པས་དགའ་བ་མྱོང་བ་དང་། དཔེ་ཤེས་པ་དང་། སྔོན་བྱུང་བ་ལ་མཁས་པ་དང
106b2 མིང་དང་བརྡར་གདག་པ་ལ་འཇུག་པ་ཤེས་པ་དང་། བཏག་པ་ཀུན་ཏུ་འཇོམ་པ་དང་། བཀུར་སྟི་བྱེད་པ་ལ་མངོན་པར་དགའ་བ་མེད་པ་དང་། བཀུར་སྟི་མི་བྱེད་པ་ལ་གཏང་སྙོམས་སུ་བྱེད་པ་དང
106b3 རྙེད་པ་དོན་དུ་མི་གཉེར་བ་དང་། མ་རྙེད་པས་སྲོ་ཤི་བར་མི་འགྱུར་བ་དང་། གྲགས་པ་ལ་མངོན་པར་འདོད་པ་མེད་པ་དང་། མ་གྲགས་པ་ལ་ཁོང་ཁྲོ་བ་མེད་པ་དང་། བསྔགས་པ་ལ་རྗེས་སུ་ཆགས་པ་མེད
106b4 པ་དང་། སྨད་པ་ལ་སྤ་གོང་བར་མི་འགྱུར་བ་དང་། བདེ་བ་ལ་མངོན་པར་མི་ཆགས་པ་དང་། སྡུག་བསྔལ་གྱིས་མི་སྐྱོ་བ་དང་། འདུ་བྱེད་ཀུན་ཏུ་མི་འཛིན་པ་དང་། ཡང་དག་པའི་བསྔགས་པ་ལ་མི་ཆགས
106b5 པ་དང་། ཡང་དག་པ་མ་ཡིན་པའི་བརྗོད་པ་དང་དུ་ལེན་པ་དང་། སྤྱོད་ཡུལ་མ་ཡིན་པ་རྣམ་པར་སྤོང་བ་དང་། སྤྱོད་ཡུལ་ལ་འཇུག་པ་དང་། ཆོ་ག་ཕུན་སུམ་ཚོགས་པ་དང་། མི་ཚུལ་བ་རྣམ་པར་སྤོང་དང་།
106b6 སེམས་ཅན་གྱི་དགེ་བའི་རྩ་བ་ཆུང་ངུ་ལ་མི་སྨོད་པ་དང་། བསྟན་པ་ཀུན་ཏུ་སྲུང་བ་དང་། སྨྲ་བ་ཉུང་བ་དང་། མཉེན་པ་དང་། སྐབས་ཀྱི་ཚིག་ལ་མཁས་པ་དང་། ཕྱིར་རྒོལ་བ་ཚར་གཅོད་པ་དང་། དུས་སུ
106b7 འགྲོ་བ་དང་། སྤྱོད་ལམ་བཏབས་པ་མ་ཡིན་པ་དང་། སྤྱོད་ལམ་མཛེས་པ་དང་། དོན་དང་དོན་མ་ཡིན་པ་ཤེས་པ་ལ་མཁས་པ་དང་། འཇིག་རྟེན་ཤེས་པ་དང་། བསྟན་བཅོས་ཤེས་པ་དང་། གསལ་བར་སྨྲ་བ
iiif viewer powered by OpenSeadragon
