| e-texts navigator |
| Wylie |
265a1 མེད་དང་། ། མཐའ་ལྡན་དེ་བཞིན་ལྷ་མི་སྤོངས།། འདུ་ཤེས་འདུ་ཤེས་མེད་ཅན་དང་།། ཆད་དང་མྱ་ངན་ལས་འདས་པ་དང་། དམྱགས་དང་ཀུན་ནས་རྨོངས་པ་དང
265a2 རྟེན་དང་རེག་པ་དགེ་སློང་དང་། ། རྒྱུ་དང་དོན་ཆོས་འདྲ་བ་སྟེ།། ཐ་མ་ཚངས་པའི་དྲ་བའོ།། ཚངས་པའི་དྲ་བ་རྫོགས་སོ།། ། རྒྱ་གར་སྐད
265a3 དུ། ཙནྡྲ་སཱུ་ཏྲ། བོད་སྐད་དུ། ཟླ་བའི་མདོ། དཀོན་མཆོག་གསུམ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་ཙམ་པ་ཅན་ན།
265a4 འགྲོ་བ་པོའི་རྫིང་བུའི་འགྲམ་ན་བཞུགས་ཏེ། དེའི་ཚེ་ལྷ་མ་ཡིན་གྱི་དབང་པོ་སྒྲ་གཅན་གྱིས་ཟླ་བའི་དཀྱིལ་འཁོར་ཐམས་ཅད་འོད་ཀྱིས་བཀབ་པར་འགྱུར་ཏོ།། དེ་ནས་ཟླ་བའི་དཀྱིལ
265a5 འཁོར་ན་གནས་པའི་ལྷ་གང་ཡིན་པ་དེ་སྐྲག་ཅིང་སྔངས་ལ་མི་དགའ་བར་གྱུར་ནས། བཅོམ་ལྡན་འདས་ག་ལ་བ་དེར་སོང་སྟེ། ཕྱིན་ནས་བཅོམ་ལྡན་འདས་ཀྱིས་ཞབས་ལ་མགོ་བོས་ཕྱག་འཚལ་ཏེ།
265a6 ཕྱོགས་ཅིག་ཏུ་འདུག་གོ།། ཕྱོགས་གཅིག་ཏུ་འདུག་ནས། ལྷ་དེས་དེའི་ཚེ་ཚིགས་སུ་བཅད་དེ་གསོལ་བ། ཀུན་ལས་རྣམ་པར་རབ་འགྲོལ་བའི།། སངས་རྒྱས་དཔའ་བོ་ཁྱོད་ཕྱག་འཚལ།
265a7 གནོད་པ་དག་དང་ཕྲད་གྱུར་པ།། བདག་གི་སྐྱབས་ནི་མཛད་པར་གསོལ།། འཇིག་རྟེན་དགྲ་བཙོ་བདེ་གཤེགས་ལ།། ཟླ་བ་སྐྱབས་སུ་མཆི་ལགས་ཀྱིས།། སངས་རྒྱས་འཇིག་རྟེན་ཐུགས་པ།
iiif viewer powered by OpenSeadragon
