| e-texts navigator |
| Wylie |
263b1 དབང་དུ་སོང་ཞིང་ལག་ཏུ་སོང་བ་སྟེ། ཉ་པས་ཅི་དགའ་མགུར་བྱ་བའི་ཡིན་པར་རིག་པར་བྱའོ།། དེ་བཞིན་དུ་དགེ་སྦྱོང་དང་བྲམ་ཟེ་གང་ཁ་ཅིག་སྔོན་གྱི་མཐའ་ལ་རྟོག་ཅིང་། སྔོན་གྱི་མཐའ་ལ་གནས
263b2 པལྟ་བར་སོང་བ་རྣམས་དང་། ། ཕྱི་མའི་མཐའ་ལ་རྟོག་ཅིང་ཕྱི་མའི་མཐའ་ལ་གནས་པ་ལྟ་བར་སོང་བ་རྣམས་ཀྱིས་ཀྱང་གྱོན་དུ་དམྱིགས་སུ་ཟིན་ཀྱང་།། དེ་ཐམས་ཅད་ལྟ་བའི་ཆུའི་ནང་ན་འདུག་པས་བདུད་སྡིག
263b3 ཅན་གྱི་དབང་དུ་སོང་ཞིང་ལག་ཏུ་སོང་སྟེ། བདུད་སྡིག་ཅན་གྱིས་ཅི་དགའ་མགུར་བྱ་བ་དག་གོ།། དགེ་སློང་དག་དགེ་སྦྱོང་དང་བྲམ་ཟེ་གང་དེ་དག་སྔོན་གྱི་མཐའ་ལ་རྟོག་ཅིང་རྟག་པར་སྨྲ་བ་དག་བདག་དང
263b4 འཇིག་རྟེན་རྟག་གོ་ཞེས་མངོན་པར་བརྗོད་པ་ནི་འདི་ལྟ་སྟེ། གཞི་གཞི་པོ་དག་ལ་སྟེ། དགེ་སྦྱོང་དང་བྲམ་ཟེ་གང་དེ་དག་ཕྱི་མའི་མཐའ་ལ་རྟོག་ཅིང་ཞེས་བྱ་བ་ནི་མཐོང་བའི་ཆོས་ལ་མྱ་ངན་ལས་འདས་པར་སླ
263b5 བ་དག་མཐོང་བའི་ཆོས་ལ་མྱ་ངན་ལས་འདས་པར་མངོན་པར་སྨྲ་ཞིང་མངོན་པར་བརྗོད་པ་ནི་གཞི་གཞི་པོ་དག་ལ་སྟེ་ཞེས་བྱ་བའི་བར་དུའོ། ། དགེ་སྦྱོང་དང་བྲམ་ཟེ་མཁས་པ་མ་ཡིན་ཞིང་མ་རིག་པར་འགྱུར
263b6 པ་བག་མེད་ཅིང་རྨོངས་པ་ལ་གནས་པ་དེ་དག་ལ་རིག་པར་བྱ་སྟེ། དེ་ནི་སྲིད་པས་རྣམ་པར་བསྐྱོད་པའོ།། དགེ་སློང་དག་དེ་ལ་དགེ་སྦྱོང་དང་བྲམ་ཟེ་གང་དེ་དག་སྔོན་གྱི་མཐའ་ལ་རྟོག་ཅིང་རྟག་པར་སྨྲ་བ
263b7 དག་བདག་དང་འཇིག་རྟེན་ནི་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་ནི་འདི་ལྟ་སྟེ། གཞི་གཞི་པོ་དག་ལ་སྟེ། དེ་ཡང་རྟེན་ཅིང་འབྲེལ་བར་འབྱུང་བ་ཡིན་པར་སྲིད་ཀྱི་རྟེན་ཅིང་འབྲེལ་བར
iiif viewer powered by OpenSeadragon
