| e-texts navigator |
| Wylie |
263a1 གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ།། དེ་ལྟར་ན་ལྟ་བར་སོང་བ་འདི་དག་འདི་ལྟར
263a2 འཛིན་པ་དང་། འདི་ལྟར་ལེན་པ་དང་། འདི་ལྟར་སྤྱོད་པ་དང་། འགྲོ་བ་ནི་འདི་ལྟ་བུའོ།། སྐྱེ་བ་ནི་འདི་ལྟ་བུའོ།། ཚེ་ཕྱི་མ་ནི་འདི་ལྟ་བུའོ་ཞེས་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ
263a3 མཁྱེན་ཏོ། ། དེ་ལས་ལྷག་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ནས་ཀྱང་མཆོག་ཏུ་མི་འཛིན་ཏོ།། མཆོག་ཏུ་མི་འཛིན་པས་བདག་ཉིད་མྱ་ངན་ལས་འདས་པར་རིག་ནས། ཚོར་བ་རྣམས་ཀུན་འབྱུང
263a4 བབནུབ་པར་ཐུགས་སུ་ཆུད་དེ་འདི་ནི་སྡུག་བསྔལ་ལོ། ། འདི་ནི་སྡུག་བསྔལ་ངེས་པར་འབྱིན་པའོ་ཞེས་བྱ་བར་མཁྱེན་ཏོ།། དགེ་སློང་དག་དགེ་སྦྱོང་དང་བྲམ་ཟེ་གང་དེ་དག་སྔོན་གྱི་མཐའ་ལ་རྟོག་ཅིང་སྔོན་གྱི
263a5 མཐའ་ལ་གནས་པ་ལྟ་བར་སོང་བ་རྣམས་དང་། ཕྱི་མའི་མཐའ་ལ་རྟོག་ཅིང་ཕྱི་མའི་མཐའ་ལ་གནས་པ་ལྟ་བར་སོང་བ་རྣམས་ཀྱིས་གྱེན་དུ་དམིགས་སུ་ཟིན་ཀྱང་། དེ་ཐམས་ཅད་ལྟ་བའི་ཆུའི་ནང་ན་འདུག་པས
263a6 བདུད་སྡིག་ཅན་གྱི་དབང་དུ་སོང་ཞིང་ལག་ཏུ་སོང་བ་སྟེ། བདུད་སྡིག་ཅན་གྱིས་ཅི་དགའ་མགུར་བྱ་བ་བདུད་ཀྱི་ཞབས་པ་དག་ལས་ཡོངས་སུ་གྲོལ་བ་མ་ཡིན་ནོ།། དགེ་སློང་དག་དཔེར་ན་ཉ་པ་འམ་ཉ་པའི་སློབ་མ
263a7 མཁས་པ་དག་གིས་རྒྱ་མིག་ཕྲག་མེ་ཐོགས་ཏེ། ལྟེང་ཀའི་ཆུ་ཆུང་ངུབ་ནུས་པ་ན་དེ་སྲོག་ཆགས་གང་རགས་པ་ཆེ་ལོང་རྣམས་ཀྱིས་གྱེན་དུ་དམྱགས་སུ་ཟིན་ཀྱང་། དེ་ཐམས་ཅད་ཆུའི་ནང་ན་གནས་པས་ཉ་བའི
iiif viewer powered by OpenSeadragon
