| e-texts navigator |
| Wylie |
257b1 གནས་ནས་ཞེས་བྱ་བ་དག་ནི་སྔ་མ་བཞིན་ནོ། ། འདི་ན་དགེ་སྦྱོང་དང་བྲམ་ཟེ་ཁ་ཅིག་རང་བཞིན་གྱི་ཡིད་རྟུལ་ཞིང་ཐུན་པ་ཡིན་ཏེ། དེ་འདི་སྙམ་དུ་སེམས་ཏེ། ཇི་སྟེ་བདག་གི་ཐད་དུ་ལ་ལ་ཞིག་འོངས་ནས།
257b2 དེ་འཇིག་རྟེན་ཕ་རོལ་ཡོད་སྦྲུམ་ནས་འཇིག་རྟེན་ཕ་རོལ་ཡོད་དམ་ཞེས་དྲི་བ་དྲིས་ན། བདག་གིས་དེ་ལ་འཇིག་རྟེན་ཕ་རོལ་ཡོད་དོ་ཞེས་ལུང་བསྟན་པར་བྱའོ།། འཇིག་རྟེན་ཕ་རོལ་མེད་པ་ཡིན་ནམ། ཡོད
257b3 པ་ཡང་ཡིན་མེད་པ་ཡང་ཡིན་ནམ། ཡོད་པ་ཡང་མ་ཡིན། མེད་པ་ཡང་མ་ཡིན་ནམ། དེ་འཇིག་རྟེན་འདི་ལྟ་བུ་འམ། འོན་ཏེ་མ་ཡིན་རྣམ་པ་གཞན་ཞིག་གམ་འོན་ཏེ་མ་ཡིན། མ་ཡིན་ནམ་འོན་ཏེ་མ
257b4 ཡིན། འདི་ལྟ་བུ་མ་ཡིན་ནམ་འོན་ཏེ་མ་ཡིན། དེ་འཇིག་རྟེན་ཕ་རོལ་མ་ཡིན་ནམ། འོན་ཏེ་མ་ཡིན་འདི་ལྟ་བུ་མ་ཡིན་ནམ། འོ་ན་དེ་མ་ཡིན་ཞེས་དྲི་བ་དྲིས་ན། བདག་གིས་འཇིག་རྟེན་ཕ་རོལ་ཞེས
257b5 བྱ་བ་མ་ཡིན་ནམ། འོན་ཏེ་མ་ཡིན། འདི་ལྟ་བུ་མ་ཡིན་ནམ། འོན་ཏེ་མ་ཡིན་ཞེས་ལུང་བསྟན་པར་བྱའོ།། དགེ་སྦྱོང་དང་བྲམ་ཟེ་དེ་གཏི་མུག་གིས་འཇིགས་པ་དང་། གཏི་མུག་གིས་འཇིགས
257b6 བསྒག་པ་དང་། དེས་གཏི་མུག་ཉིད་ཡོངས་སུ་སྨད་པས་གཞི་དེ་དང་། གླིང་དེ་དང་། མགོན་དེ་དང་། སྐྱབས་དེ་དང་། གཞོལ་བ་དེ་ལ་གནས་སོ།། ལྷ་མི་སྤོང་བ་དྲི་བ་དྲིས་པ་དང་། ཚིག་རླུང་བསྐུར
257b7 བ་འདི་ནི་གཞི་གཞི་པ་སྟེ། ཅི་ལ་བརྟེན་ཅིང་ཅི་ལ་གནས་ནས་ཞེས་བྱ་བ་དག་ནི་སྔ་མ་བཞིན་ནོ།། དགེ་སྦྱོང་དང་བྲམ་ཟེ་སྔོན་གྱི་མཐའ་ལ་རྟོག་ཅིང་ལྷ་མི་སྤོང་ལ་ལྷ་མི་སྤོང་བ་དྲི་བ་དྲིས་པ་དང་། ཚིག
iiif viewer powered by OpenSeadragon
