| e-texts navigator |
| Wylie |
254b1 བར་བརྗོད་པ་ནི། འདི་ལྟ་སྟེ། གཞི་བཞི་པོ་དག་ལའོ།། དགེ་སློང་དག་འདི་ན་དགེ་སྦྱོང་དང་། བྲམ་ཟེ་ཤེས་ལྡན་ཁ་ཅིག་དགོན་པ་ན་གནས་ཀྱང་རུང་། ཤིན་དྲུང་ན་གནས་ཀྱང་རུང་། ཁང་སྟོང་ན།
254b2 གནས་ཀྱང་རུང་སྟེ། བརྩོན་པའི་རྒྱུ་ལས་བྱང་བ་དང་། སྤོང་བའི་རྒྱུ་ལས་བྱུང་བ་དང་། སྒོམ་པའི་རྒྱུ་ལས་བྱུང་བ་དང་། ལན་མང་དུ་བྱེད་པའི་རྒྱུ་ལས་བྱུང་བ་དང་ཡང་དག་པ་ཡིད་ལ་བྱེད
254b3 པའི་རྒྱུ་ལས་བྱུང་བ་དག་གིས་སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རིག་པར་བྱེད་དོ། ། དེ་ལྟར་སེམས་མཉམ་པར་བཞག་པ་ན། འཇིག་རྟེན་ལ་མཐའ་ཡོད་པའི་འདུ་ཤེས་ཅན་དུ་གནས་སོ།། དེ་འདི
254b4 སྙམ་དུ་སེམས་ཏེ། འཇིག་རྟེན་མཐའ་དང་ལྡན་པ་དེའི་ཕྱིར་དེས་ན་བདག་ནི་འདི་སྙམ་དུ་འཇིག་རྟེན་ནི་མཐའ་དང་ལྡན་ཞིང་ཡོངས་སུ་ཆུད་པས་བདག་དགོན་པ་ན་གནས་ཀྱང་ས། ཤིང་དྲུང་ན་གནས
254b5 ཀྱང་རུང་། ། ཁང་སྟོང་ན་གནས་ཀྱང་རུང་སྟེ། ཞེས་བྱ་བ་ནས། འཇིག་རྟེན་ལ་མཐའ་ཡོད་པའི་འདུ་ཤེས་ཅན་དུ་གནས་པར་བྱའོ་སྙམ་པའི་བར་དུ་སྔ་མ་ཡིན་ནོ།། དེ་ལྟར་ན་འཇིག་རྟེན་མཐའ
254b6 དང་ལྡན་ཞིང་ཡོངས་སུ་ཆད་པ་འདི་ནི་གཞི་དང་པོ་སྟེ། ཅི་ལ་རྟེན་ཅིང་ཞེས་བྱ་བ་ནི་སྔ་མ་བཞིན་ནོ།། གཉིས་པ་ནི་དགེ་སྦྱོང་དང་། བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ་གནས་ནས་ཞེས
254b7 བྱ་བ་ནས། འདི་ན་དགེ་སྦྱོང་དང་བྲམ་ཟེ་ཁ་ཅིག་དགོན་པ་ན་གནས་ཀྱང་རུང་། ཤིང་དྲུང་ན་གནས་ཀྱང་རུང་། ཁང་སྟོང་ན་གནས་ཀྱང་རུང་སྟེ། ཞེས་བྱ་བའི་བར་དུ་སྔ་མ་བཞིན་ནོ།། དེ་ལྟར་སེམས
iiif viewer powered by OpenSeadragon
