| e-texts navigator |
| Wylie |
253b1 ཅིང་གནས་པ་དག་པ་ནི་སྔ་མ་བཞིན་ནོ། ། གཉིས་པ་དགེ་སྦྱོང་དང་བྲམ་ཟེ་ཤེས་ལྡན་ཅི་ལ་རྟེན་ཅིང་། ཅི་ལ་གནས་ཞེས་བྱ་བ་དག་ནི་སྔ་མ་བཞིན་ནོ།། འདི་ནི་ཁ་ཅིག་པ། དཔྱོད་པ་ཅན་རྟོགས་གེར་ཞུགས།
253b2 བའི་ས་ལ་གནས་པ། རང་གི་སྤོབས་པ་ལས་བྱུང་བ། སོ་སོའི་སྐྱེ་བོ་པ། རྟོག་གེའི་རྗེས་སུ་བབྲང་བ་དེ། འདི་སྙམ་དུ་སེམས་ཏེ། བདག་དང་། འཇིག་རྟེན་རྒྱུ་མེད་པ་ལས་འབྱུང་བ་དེའི་ཕྱིར། དེས
253b3 ན་བདག་ནི། འདི་སྙམ་དུ་བདག་དང་འཇིག་རྟེན་རྒྱུ་མེད་པ་ལས་བྱུང་བས། བདག་ནི་རྟོག་གེ་པ། དཔྱོད་པ་ཅན་རྟོག་གེར་ཞུགས་པའི་ས་ལ་གནས་པ། རང་གི་སྤོབས་པ་ལས་བྱུང་བ། སོ
253b4 སོའི་སྐྱེ་བོ་དཔྱོད་པའི་རྗེས་སུ་འབྲང་བ་འདི་ནི་གཞི་གཉིས་པ་སྟེ། ཅི་ལ་རྟེན་ཅིང་ཞེས་བྱ་བ་ནི་སྔ་མ་བཞིན་ནོ།། དགེ་སློང་དག་དགེ་སྦྱོང་དང་། བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང་རྒྱུ་མེད་པར
253b5 འབྱུང་བ་པ་སྟེ། བདག་དང་། འཇིག་རྟེན་ནི་རྒྱུ་མེད་པ་ལས་འབྱུང་བའོ་ཞེས་མངོན་པར་བརྗོད་པ་དེ་ཐམས་ཅད་ནི་གཞི་གཉིས་པོ་འདི་དག་ལ་སྟེ། དེ་ལས་མི་ལྷག་མི་མང་ལ། དེ་ལྟར་ན་ལྟ་བར
253b6 སོང་བ་དེ་དག་འདི་ལྟར་འཛིན་པ་དང་། འདི་ལྟར་མཆོག་ཏུ་འཛིན་པ་དེ་དག་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན།། དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་རབ
253b7 ཏུ་མཁྱེན་ཏོ། ། འདི་ལྟར་རབ་ཏུ་མཁྱེན་པ་ནས། མཆོག་ཏུ་མི་འཛིན་ཏོ།། མཆོག་ཏུ་མི་འཛིན་པས་བདག་ཉིད་མྱ་ངན་ལས་འདས་པར་ཡང་རིག་ཅིང་དེ་ལྟར་ལྟ་བས་སོང་བ་དེ་དག་གི་འགྲོ་བ་ནི་འདི་ལྟ་བུ།
iiif viewer powered by OpenSeadragon
