| e-texts navigator |
| Wylie |
198a1 བཀའ་སྩལ་པ། འགྲོ་བ་ཐམས་ཅད་ཀྱི་ཚིག་གི་སྤྱོད་པ་དང་མཉམ་པས། སྒྲིབ་པ་མ་མཆིས་པའི་དཀྱིལ་འཁོར་དང་མཐུན་པར་གྱུར་ནས། ལྷག་པའི་བསམ
198a2 བ་ཉོན་མོངས་པའི་རི་ཆེན་པོ་རྣམ་པར་མཐོར་བའི་ལས་བྱུང་བས་སྒྲིབ་པར་འགྱུར་བའི་ལས་དེ་དག་འཆགས་སོ། ། མི་འཆབ་བོ།། འཇིག་རྟེན་གྱི་ཁམས་ཐམས་ཅད་དུ་འཚལ་བར་འགྱུར
198a3 བའི་བཤགས་པས་འཆགས་སོ། ། བསལ་ལོ།། རྣམ་པར་གཞིག་གོ།། རབ་ཏུ་གཞོམ་མོ།། སྤོང་ངོ་།། གདོན་ཏོ།། ལས་ལ་དབང་པས་དབང་བགྱིའོ།། སྟོབས་བསྐྱེད་པ
198a4 བརྙེས་པ་རྣམས་ཀྱི་བདེ་བ་ཉེ་བར་བསྟན་པའི་སླད་དུ་ཡོངས་སུ་བསྔོའོ། ། གོང་དུ་ཡང་བྱང་ཆུབ་སེམས་དཔའ་དེ་བཞིན་གཤེགས་པ་མཉེས་པར་བགྱིད་པར་འཚལ་བ། བྱང་ཆུབ་སེམས
198a5 དཔའི་སྤྱོད་པ་ཐམས་ཅད་ཡོངས་སུ་སྦྱོང་བར་འཚལ་བ། བྱང་ཆུབ་སེམས་དཔའ་རྣམ་པར་གཞག་པ་ཐམས་ཅད་ལས་ཡང་དག་པར་འདའ་བར་འཚལ་བ། བྱང་ཆུབ་སེམས་དཔའི
198a6 སྨོན་ལམ་ཐམས་ཅད་ཡོངས་སུ་རྫོགས་པར་བགྱིད་པར་འཚལ་བ། བྱང་ཆུབ་སེམས་དཔའི་གཏེར་ཐམས་ཅད་ཐོབ་པར་འཚལ་བ། དེ་བཞིན་གཤེགས་པ་ཐམས་ཅད་ཀྱི་བསྟན་པ
198a7 ཡང་དག་པར་འཛིན་པར་འཚལ་བ། ཕ་རོལ་ཏུ་ཕྱིན་པ་ཐམས་ཅད་ཡོངས་སུ་རྫོགས་པར་བགྱིད་པར་འཚལ་བ། སེམས་ཅན་ཐམས་ཅད་ཡོངས་སུ་སྨིན་པར་བགྱིད་པར་འཚལ་བ།།
iiif viewer powered by OpenSeadragon
