| e-texts navigator |
| Wylie |
150b1 བར་ངེས་པར་བྱུང་བའི་སེམས་ཀྱི་བཅུ་དྲུག་གི་ཆར་ཡང་མི་ཕོད་དོ། ། དགའ་བོ་ཁྱོད་ཀྱིས་རབ་ཏུ་བྱུང་།། དལ་བ་ཤིན་དུ་རྙེད་དཀའ་སྟེ། དགའ་བོ་སྟོན་པ་མངོན་གྱུར་པ།། ང་ལ་མི་མཉེས་མ་བྱེད་ཅིག།
150b2 དགའ་བོ་དཔེར་ན་ས་ཆེན་པོ་འདི་ཆུ་གཅིག་པུར་རྒྱ་མཚོར་གྱུར་ལ། དེ་ན་རུ་སྦལ་ཞར་བ་གཅིག་ཀྱང་ཡོད། དེ་ན་གཉའ་ཤིང་བུ་ག་གཅིག་པ་གཅིག་ཀྱང་རྒྱུ་ལ། རུ་སྦལ་ཞར་བ་དེ་འདི་སྙམ་དུ། གཉའ་ཤིང་གི
150b3 བུག་དེར་མགྲིན་པ་ཚུད་པར་བྱའོ་སྙམ་དུ་སེམས་སྐྱེ་ཞིང་། གཉའ་ཤིང་བུ་ག་ཅན་དེ་ཡང་རླུང་གིས་བསྐྱོད་ནས། ཕྱོགས་ཕྱོགས་སུ་རྒྱུག་པར་བྱེད་པ་ན། དགའ་བོ་བརྒྱ་ལ་རྐྱེན་ཞིག་གིས་རུ་སྦལ་ཞར་བ
150b4 དེའི་མགྲིན་པ་གཉའ་ཤིང་གི་བུ་ག་དེར་འཇུག་པར་འགྱུར་གྱི། དགའ་བོ་མི་ཉིད་ཐོབ་པ་ནི་མ་ཡིན་ནོ།། ངལ་བ་ཕུན་སུམ་ཚོགས་པ་དེ་བཞིན་ནོ།། དགའ་བོ་ཁྱོད་ཀྱིས་མི་ཉིད་ཤིན་ཏུ་རྙེད་པར་དཀའ་བ་དང་།
150b5 དེ་བཞིན་དུ་དལ་བ་ཕུན་སུམ་ཚོགས་པ་ཡང་རྙེད་ན། དགའ་བོ་ཁྱོད་ཀྱིས་རབ་བྱུང་། དལ་བ་ཤིན་ཏུ་རྙེད་དཀའ་རྙེད།། དགའ་བོ་སྟོན་པ་མངོན་གྱུར་པ།། ང་ལ་མི་མཉེས་མ་བྱེད་ཅིག། དཔེར་ན་འགའ་ཞིག
150b6 གིས་ཁབ་ཀྱི་མིག་གནམ་དུ་བསྟན་ཏེ། ཉུངས་དཀར་གྱི་འབྲུ་རྣམས་འཐོར་བར་བྱེད། དགའ་བོ་བརྒྱ་ལ་རྐྱེན་ཞིག་གིས་དེར་ཡུངས་ཀར་གྱི་འབྲུ་གང་ཡིན་པ་གཅིག་ཆུད་པར་འགྱུར་གྱི། དགའ་བོ་མོ་ཉིད་རྙེད་པ
150b7 ནི་མ་ཡིན་ནོ། ། དལ་བ་ཕུམ་སུམ་ཚོགས་པ་ཡང་དེ་བཞིན་ནོ།། དགའ་བོ་མི་ཉིད་ཤིན་ཏུ་རྙེད་པར་དཀའ་བ་དང་། དེ་བཞིན་དུ་ངལ་བ་ཕུན་སུམ་ཚོགས་པ་ཡང་རྙེད་ན། དགའ་བོ་ཁྱོད་ཀྱིས་རབ་ཏུ་བྱུང
iiif viewer powered by OpenSeadragon
