| e-texts navigator |
| Wylie |
149a1 འཇོགས་པ་ཡིན་ནོ། ། ཉོན་མོངས་པའི་འདམ་དུ་བྱིང་བ་རྣམས་འབྱིན་པ་ཡིན་ནོ།། ཁྱིམ་གཟེབ་ཏུ་བཅིངས་པ་རྣམས་རྣམ་པར་གྲོལ་བར་བྱེད་པ་ཡིན་ནོ།། གནོད་པའི་ཚོར་བ་རྣམས་ཟད
149a2 པར་བྱེད་པར་ཡིན་ནོ། ། ཐེ་ཙོམ་རྣམས་དང་། ཉོན་མོངས་པའི་དྲི་མ་བརྟན་པོར་གྱུར་པ་རྣམས་གཅོད་པ་ཡིན་ནོ།། རྒ་ཤི་འཇིགས་པ་རྣམས་དབུགས་འབྱིན་པ་ཡིན་ནོ།། སྡུག་པ་དང་བྲལ་བར་བྱེད་པ་ཡིན་ནོ།།
149a3 འཁོར་བའི་སྡུག་བསྔལ་གྱིས་གཙེས་པ་རྣམས་ཀྱི་བདེ་བ་དང་། མི་འཇིགས་པའི་འགྲམ་ཡིན་ནོ།། འདོད་པའི་ཁམས་ལས་པ་རྒལ་བར་བྱེད་པ་ཡིན་ནོ།། གཟུགས་ཀྱི་ཁམས་ལས་ཡང་དག་པར་བརྒལ་བར
149a4 བྱེད་པ་ཡིན་ནོ། ། གཟུགས་མེད་པའི་ཁམས་ལས་ཡང་རྣམ་པར་བརྒལ་བར་བྱེད་པ་ཡིན་ནོ།། དོན་དམ་པར་མྱ་ངན་ལས་འདས་པ་མཆོག་ཐོག་པར་བྱེད་པ་ཡིན་ཏེ། དགའ་བོ་དེ་ནི་རབ་ཏུ་བྱུང་བ་ཞེས་བྱའོ།།
149a5 འཇིག་རྟེན་ཐམས་ཅད་ཀྱི་མིག་ལྟ་བུ་ཡིན་ནོ།། གཏི་མུག་གི་མུན་པའི་སྒྲོན་མ་ཡིན་ནོ།། རྒྱུད་དག་པར་བྱེད་པ་ཡིན་ནོ།། ཉོན་མོངས་པའི་ནད་ཐམས་ཅད་རབ་ཏུ་ཞི་བར་བྱེད་པ་ཡིན་ནོ།། ལམ་སྟོར་བ་རྣམས་ལ
149a6 ལམ་ཀུན་དུ་སྟོན་པ་ཡིན་ནོ། ། ཆོས་ཐམས་ཅད་ཀྱི་དེ་ཁོ་ན་སྟོན་པ་ཡིན་ནོ།། མདུད་པ་ཐམས་ཅད་རྣམ་པར་འགྲོལ་བར་བྱེད་པ་ཡིན་ནོ།། མ་རིག་པའི་མུན་པ་ཐམས་ཅད་སེལ་བར་བྱེད་པ་ཡིན་ནོ།། མི་ཤེས
149a7 པའི་རབ་རིབ་ཀྱི་སྒྲིབ་པའི་མུན་པ་རྣམས་འདྲལ་བར་བྱེད་པ་ཡིན་ནོ། ། ལེ་ལོ་ཅན་རྣམས་བརྩོན་འགྲུས་ལ་རྩོམ་པར་བྱེད་པ་ཡིན་ནོ།། ཚུལ་ཁྲིམས་ལ་ལྟུང་བ་རྣམས་སྐྱོ་བར་བྱེད་པ་ཡིན་ནོ།། ཚུལ་ཁྲིམས་ཕུན
iiif viewer powered by OpenSeadragon
