| e-texts navigator |
| Wylie |
148b1 སྦྱིན་པ་ཡིན་ནོ། ། སེམས་ཅན་དབུལ་པོ་ཐམས་ཅད་ཀྱི་བུམ་པ་ཡིན་ནོ།། སྐྱབས་མེད་པ་རྣམས་ཀྱི་དཔུང་གཉེན་ཡིན་ནོ།། ཀུན་ཏུ་ཚོལ་བས་འཕོངས་པ་དང་། སྡུག་བསྔལ་གྱིས་ཉམ་ཐག་པ་རྣམས་ཀྱི་བསྟི
148b2 ས་ཡིན་ནོ། ། སངས་རྒྱས་ཐམས་ཅད་ཀྱིས་མ་འདྲེས་པ་ཡིན་ནོ།། སེམས་ཅན་ཐམས་ཅད་ཀྱིས་མཆོད་པར་བྱ་བ་ཡིན་ནོ།། མཁས་པ་རྣམས་ཀྱིས་བསྔགས་པ་ཡིན་ནོ།། ཐར་པར་འགྲོ་བ་རྣམས་ཀྱི་ལམ
148b3 ཡིན་ནོ། ། སེམས་ཅན་དག་པ་རྣམས་ཀྱིས་བསྙེན་པར་བྱ་བ་ཡིན་ནོ།། སྣོད་དུ་འགྱུར་བ་རྣམས་ཀྱིས་བསྟེན་པར་བྱ་བ་ཡིན་ནོ།། ངན་སོང་གི་སྒོ་གཅོད་པ་ཡིན་ནོ།། མཐོ་རིས་དང་ཐར་པའི་སྒོ་འབྱེད་པ་ཡིན་ནོ།།
148b4 ལྷའི་འགྲོ་བ་རྣམས་ཀུན་ཏུ་འགེངས་པ་ཡིན་ནོ།། སྡུག་བསྔལ་ཐམས་ཅད་ཀུན་ཏུ་གཅོད་པ་ཡིན་ནོ།། སྲེད་པའི་བཅིང་བས་བཅིངས་པ་རྣམས་རྣམ་པར་གྲོལ་བར་བྱེད་པ་ཡིན་ཏེ། དགའ་བོ་དེ་ནི་རབ་ཏུ་བྱུང་བ་ཞེས་བྱའོ།།
148b5 ཡང་དག་པའི་ལྟ་བའི་ཁྱིམ་ཡིན་ནོ།། ཐར་པའི་ཡང་དག་པའི་སྡོམ་པ་ཡིན་ནོ།། མྱ་ངན་ལས་འདས་པ་ལ་བསྙེན་པ་ཡིན་ནོ།། རྒྱུན་ཉེ་བར་གཅོད་པ་ཡིན་ནོ།། ཉོན་མོངས་པ་རྣམས་སྲེག་པ་ཡིན་ནོ།། ཕྲ་རྒྱས་རྣམས
148b6 འབྱིན་པ་ནོ། ། ལྟ་བ་ངན་པའི་དྲ་བ་རྣམས་འཇིགས་པར་བྱེད་པ་ཡིན་ནོ།། བདུད་ཀྱི་རྒྱལ་མཚན་སྒྲོལ་བ་ཡིན་ནོ།། བཟོད་པ་སྨྲ་བ་བསྒྲེང་བ་ཡིན་ནོ།། འཁོར་བའི་འཁོར་ལོ་ལྡོག་པར་བྱེད་པ་ཡིན་ནོ།། ཆོས་ཀྱི།
148b7 འཁོར་ལོ་བསྐོར་བར་བྱེད་པ་ཡིན་ནོ།། ནུ་ཞོའི་རྒྱ་མཚོའི་སྐེམས་པ་ཡིན་ནོ།། རུས་པའི་རི་འཇིགས་པར་བྱེད་པ་ཡིན་ནོ།། སྐྱེ་བ་དང་། རྒ་བ་དང་། ན་བ་དང་། འཆི་བའི་མཐའ་ཡིན་ནོ།། ཕུང་པོའི་ཁུར
iiif viewer powered by OpenSeadragon
