| e-texts navigator |
| Wylie |
359b1 ཡོད་མིན་ཞེས། ། སྙན་པའི་གསུང་ནི་བསྒྲགས་ནས་ཀྱང་།། ཕྱོགས་རྣམས་ཀུན་ཏུ་གཟིགས་པར་གྱུར།། ཉི་ཟླ་རིན་ཆེན་བུམ་པ་ལས།། དྲོ་གྲང་ཆུ་ཡི་རྒྱུན་གཉིས་ནི།། དྲི་མ་མེད་པའི་ནམ་མཁའ་ལས།། དེ་ཡི་དབུ་ལ་བབ་པར
359b2 གྱུར། ། བདེ་གཤེགས་འགྲོ་བའི་བླ་མ་ནི།། རིན་ཆེན་སྣ་ཚོགས་བཀྲམ་པ་ཡི།། སེང་གེའི་གདན་ནི་མཐོན་པོ་ལ།། དགྱེས་པས་དེར་ནི་བཞུགས་པར་གྱུར།། བརྒྱ་བྱིན་གནས་ཀྱི་ཆུ་བོ་དང་།། འཇུག་དོགས་ལས་བླངས་ལྷ
359b3 ཡི་ཆུ། ། གསར་ལས་བྱས་པའི་བུམ་པ་ཡི།། ལྷ་རྣམས་ཀྱིས་ནི་དབང་བསྐུར་བསྟབས།། ལྷ་ཡི་གོས་དང་འཕྲེང་བ་དང་།། བསྟོད་པ་ལ་ནི་བརྩོན་པ་ཡི།། ཚོགས་རྣམས་དུ་མ་འདུས་པ་ཡིས།། ལྷ་ཡི་ཚལ་ནི
359b4 གང་བར་གྱུར། ། རྔ་སྒྲ་རྣམས་ཀྱི་ཅ་ཅོ་ཡིས།། མཁའ་དབྱིངས་མ་ལུས་ཁྱབ་པར་གྱུར།། ནམ་མཁའ་ལས་ནི་མེ་ཏོག་ཆར།། རྒྱུན་མི་འཆད་པར་བབ་པར་གྱུར།། མནྡར་མེ་ཏོག་ཆ་ལ་བཀྲམ་པས།། གཙང་མ
359b5 ཡི་ནི་གནས་ལྟར་གྱུར། ། ག་བུར་ཙན་དན་ཕྱེ་མ་ཡིས།། འཇིག་རྟེན་མགོན་ལ་གཏོར་བར་གྱུར།། རི་བོ་རྒྱ་མཚོར་བཅས་པ་དག། གར་མཁན་གྱི་ནི་གོས་ལྟར་གཡོས།། བཅུད་རྣམས་སྣ་ཚོགས་འཛིན་པ
359b6 ཡིས། ། ས་དག་རྣམ་དྲུག་གཡོས་པར་གྱུར།། བུང་བ་རྣམས་ནི་སྒྲ་སྒྲོགས་ཤིང་།། དུས་རྣམས་ཀུན་ཏུ་བྱུང་བ་ཡི།། ཤིང་རྣམས་རང་ཉིད་འདུད་པ་དང་།། མེ་ཏོག་རྣམས་ནི་འཕོར་བར་གྱུར།། བློན་པོ
359b7 རྒན་དང་འདུན་ན་འདོན། ། བཀྲ་ཤིས་ངག་ནི་འངོན་པར་བྱེད།། ས་དང་མཁའ་དང་གྲུབ་པ་དང་། མི་འམ་ཅི་དང་ལྷན་ཅིག་སྤྱོད། ནགས་ན་གནས་པའི་ལྷ་རྣམས་དང་།། ལྷ་དང་གྲུབ་པ་རིག་འཛིན་མི
iiif viewer powered by OpenSeadragon
