| e-texts navigator |
| Wylie |
358b1 རྟགས་པའམ། ། སྦྲུམ་མསྦྱར་རྩི་འབུང་བ་ལྟར།། མི་དེ་ཉི་མ་གཅིག་ལ་ཡང་།། སྡིག་པའི་ས་བོན་དཔག་མེད་དང་།། རང་ལ་གནོད་པ་སྣ་ཚོགས་པ།། བྱེད་པར་འགྱུར་བ་ཁོ་ན་ཡིན།། གང་ཞིག་བསླབ་པ་མི་གནས་ཤིང་།། བདེག་ཤེགས
358b2 རྒྱལ་མཚན་འཛིན་པ་པས། ། བསླབ་པ་མི་གནས་སྐད་ཅིག་ལ།། གཟུགས་བོར་ཁྱིམ་པར་གནས་པ་བཟང་།། བསླབ་པ་མི་གནས་རྟག་འཛིན་པ།། འཇིག་རྟེན་པ་ནི་ཐམས་ཅད་ཀྱིས།། སྙིང་དུ་སྡུག་པར་མི་འགྱུར་ཞིང་།། ཀུན
358b3 གྱི་ཚིག་གི་ངན་སྡོད་པས། ། དཔེར་ན་སྡོངས་པོ་བཟང་པོ་ལ།། ཡུན་རིང་ཡན་ལག་འཁྲུག་པ་བཞིན།། མི་དེ་རྟགས་ཙམ་ཡུན་རིང་ན།། ཁ་ན་མཐོའི་གཏམ་འཕེལ་དང་།། སྡིག་པའི་ལས་རྣམས་འཕེལ་བར་བཤད།། ཚུལ་ཁྲིམས
358b4 འདི་ནི་བདེ་བའི་མཆོག། ཚུལ་ཁྲིམས་འདི་ནི་ཐར་པའི་ལམ།། ཚུལ་ཁྲིམས་འདི་ནི་ཡོན་ཏན་ཞིང་།། ཚུལ་ཁྲིམས་འདི་ནི་སངས་རྒྱས་རྒྱུ།། ཚུལ་ཁྲིམས་འདི་ནི་མཆོག་ཡིན་པས།། མིག་གི་འབྲས་བུ་བཞིན་དུ་སྲུངས།། སྲོག་ལ་བབ
358b5 ཀྱང་ཚུལ་ཁྲིམས་ནི། ། གཏོང་བ་མི་མཁས་བླུན་པོ་ཡིན།། སྲོག་ཆད་ཕྱི་མར་སྐྱེ་བ་སྟེ།། ཚུལ་ཁྲིམས་ཕྱི་ནས་དེ་ལྟ་མིན།། དེ་བས་ཉེ་བར་འཁོར་སོགས་ཀྱིས།། འདི་ཉིད་ལ་ནི་བརྟེན་པར་བཟུང་།། དེ་སྐད་ཅེས་བཅོམ་ལྡན་འདས
358b6 ཀྱིས་བཀའ་སྩལ་ཏེ། ། ཉེ་བས་འཁོར་ལ་སོགས་པ་དགེ་སློང་དེ་དག་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། དགེ་སློང་ལ་རབ་ཏུ་གཅེས་པ་ཞེས་བྱ་བའི་མདོ་རྫོགས་སོ།།
358b7 #། རྒྱ་གར་སྐད་དུ། བུདྡྷ་ཨ་བྷིའི་ཀ་མ་ནཱ་མ་སྟོ་ཏྲ་མ་བོད་སྐད་དུ། སངས་རྒྱས་དབང་བསྐུར་བ་ཞེས་བྱ་བའི་བསྟོད་པ། ཐམས་ཅད་མཁྱེན་པ་ལ་ཕྱག་འཚལ་ལོ།། དེ་ནས་བསྐ
iiif viewer powered by OpenSeadragon
