| e-texts navigator |
| Wylie |
357b1 གཟིགས་པ་སྲིད་གསུངས། ། ལེགས་པར་ཉོན་གྱིག་བུ་ཁྱོད་ཉེ་བར་འཁོར། ངས་ནི་ཁྱོད་ཀྱི་སེམས་རང་བུ་ཕྱིར་དང་།། དགེ་སློང་རྣམས་ལ་ཕན་ཕྱིར་དེ་བཤད་དོ།། དགེ་སློང་ཞེས་བྱ་ཆོས་ཀྱི་རྒྱལ་མཚན་ཏེ།། དགེ་སློང་ཞེས་བྱ་རྡོ་རྗེ་ཕྲོག
357b2 ཤིང་ཡིན། ། དགེ་སློང་ཞེས་བྱ་སྡུག་བསྔལ་སྤངས་པ་སྟེ།། དགེ་སློང་ཞེས་བྱ་རྒྱལ་བའི་སྲས་པོ་ཡིན།། དགེ་སློང་ཞེས་བྱ་ཉོན་མོངས་སྲོག་གཅོད་དེ།། དགེ་སློང་ཞེས་བྱ་ཐར་པའི་ཚལ་འགྲོའོ།། དགེ་སློང་རང་གི་ངོ་བོ་བསྡམས་པ་སྟེ།
357b3 རྩ་བ་བཞི་སོགས་ཉིས་བརྒྱ་ལྔ་བཅུ་པ།། ཆེད་དུ་བྱ་བ་རྣམས་དག་ཚུལ་ཁྲིམས་ཡིན།། དབྱེ་བ་མིང་གི་དགེ་སློང་གང་ཡིན་དང་།། རྟགས་ཙམ་འཛིན་དང་ཡང་དག་དགེ་སློང་སྟེ།། སྒྲ་འཇུག་རྣམ་པར་ཟད་ཕྱིར་དང་།། དགེ་བ་སློང་དང་ཟས་སློང་དང་།།
357b4 ཞི་བར་གནས་དང་ལམ་ཞུགས་དང་།། ལེགས་པར་འཚོ་དང་ཆགས་སྤངས་དང་།། ཡིད་འོང་ཕྱིར་ན་དགེ་སློང་ངོ་།། དགེ་སློང་ཞེས་བྱ་བརྒྱན་པ་སྟེ།། རྒྱན་སྤངས་རྒྱན་གྱིས་ལགས་པར་བརྒྱན།། ཆགས་སྤངས་ཆགས་པ་ཆེན་པོ་སྤང་།།
357b5 བྱུག་པ་ཁྲུས་དང་བཟའ་བ་དང་།། རྒྱན་དང་གོས་དང་ཁ་དོག་དང་།། རྟ་དང་གླང་པོ་ཁྱོགས་རྩིགས་ཀྱིས།། བཞོན་པ་བླ་མེད་དེ་ཡང་བཞོན།། དེ་དག་འབྱོར་པ་དགེ་སློང་སྟེ།། དེ་དག་མི་འབྱོར་དགེ་སློང་མིན།། དེ་ནས་ཉེ་བར་འཁོར་དེ
357b6 ཡིས། ། བཅོམ་ལྡན་འདས་ལ་འདི་སྐད་གསོལ།། ཅི་བདེ་བར་གཤེགས་པ་ཡིས།། སྐད་ཀྱིས་རྟོགས་པར་དཀའ་བ་གསུངས།། དེ་ཉིད་བདེ་བར་གཤེགས་པ་ཡིས། ཚིག་གི་མུན་པ་ཚིག་གིས་ནི།། མར་མེས་གསལ་བར་མཛད
357b7 དུ་གསོལ། ། བཅོམ་ལྡན་འདས་ཀྱིས་བཀའ་སྩལ་པ། གསེར་ལས་སོགས་པ་འཇིག་རྟེན་རྒྱན།། རབ་ཏུ་སྤངས་པས་སྙིང་རྗེ་ཡི།། རྒན་གྱི་རོ་བ་ཡིས་བརླན་པར་བྱ། འཇིག་རྟེན་མ་ཡིན་བསླབས་པ་ཡི།། གོས་གྱོན་གོས
iiif viewer powered by OpenSeadragon
