| e-texts navigator |
| Wylie |
355b1 ཚིག་ངན་སྨྲ་བར་བྱེད་པ་ལ།། མཁས་པ་ཤིན་ཏུ་བཟོད་བྱེད་དེ།། གླང་ཆེན་མེ་ཏོག་ཆར་བ་བཞིན།། ཁྲོ་བ་དང་ནི་བརྫུན་དག་དང་།། ཚིག་ངན་སྨྲ་བར་བྱེད་པ་ལ།། མཁས་པ་ཤེས་རབ་ལྡན་གྱུར་པ། གང་ཡིན་དེ་ནི་ཐམས་ཅད་བཟོད།།
355b2 རྡོབ་བསྲེགས་ཀྱང་ཞུ་མི་འགྱུར།། ཆར་པ་བབ་ཀྱང་འཇིག་པ་མེད།། དེ་བཞིན་བདེ་དང་སྡུག་བསྔལ་གྱིས།། མཁས་པ་ཉམས་པར་འགྱུར་བ་མེད།། གང་ཞིག་བདེན་པས་གཤེ་མེད་པ།། དེ་ལ་མཁས་པས་བཟོད་པར་བྱེད།། བདེན་པ
355b3 མ་ཡིན་པ་ཡང་བཟོད། ། དེ་ལས་གཞན་པའང་བསྟན་ཏུ་མེད།། འདི་ལྟར་སྐྱེས་བུ་མཁས་པ་ནོར་གྱི་ཕྱིར།། སྡུག་བསྔལ་བཟོད་བྱ་བཟོད་པར་འགྱུར་བར་བྱ།། གལ་ཏེ་མི་བཟོད་མྱ་ངན་རྣམས་སྤངས་ཏེ།། གཞན་དུ་སོང་ནས་སྟོང་ཕྲག
355b4 རྙེད་དང་འདྲ། ། ཡལ་ག་གཉིགས་ན་འཇུ་བར་མི་བྱ་སྟེ།། ཆགས་བྲལ་སེམས་ལ་ཆགས་པར་མི་བྱའོ།། བཟང་ཞིང་སྡུག་པས་ས་སྟེང་གང་བས་ན།། འཇིག་རྟེན་ཡངས་པ་གཞན་དུ་འགྲོར་ཟད་མོང་།། གང་ན་བརྙས་བྱེད་བཀུར་སྟིར་མི་བྱེད་དང་།
355b5 སྨོད་པར་བྱེད་ཅིང་བསྟོད་པར་མི་བྱེད་ན།། མཁས་དང་བླུན་འགྲོགས་ཆེད་ཀ་མི་ཆེས་པས།། རང་རྒྱལ་བཞིན་དུ་མ་སྨྲ་དེ་འགྲོ་རིགས།། གང་ལ་སྐྱེས་བུ་འཐབ་ལ་དགའ་གྱུར་ནས།། གཡོ་རྒྱུའི་བསམ་ལྡན་རྟག་ཏུ་གྲགས་ཀྱང་བྱེད།།
355b6 ཀྱལ་བ་དབྱེན་བརྫུན་ཚིག་རྩུབ་སྨྲ་བྱེད་པ།། དེ་ཚེ་མཁས་པ་མྱུར་དུ་ཡུལ་གཞན་སོང་།། གང་ན་མི་རྣམས་འཚོ་བར་བྱེད་གྱུར་ནས།། ཕན་ཚུན་གནང་ལ་འབེབས་པར་དགའ་བ་དང་།། ལུས་དང་ངག་ཡིད་སྡོམ་པ་མེད་གྱུར་པ།། དེ་ཚེ
355b7 མཁས་པ་མྱུར་དུ་ཡུལ་གཞན་སོང་། ། གང་ན་མི་རྣམས་ཕྲག་དོག་བྱེད་གྱུར་ནས།། གཞན་གྱི་རྙེད་པ་རྟག་ཏུ་མི་བཟོད་ཅིང་།། སྣང་བའི་བསམ་པས་རྣམ་རྨོངས་ཚུལ་ཆོས་པ།། དེ་ཆེ་བདག་འདོད་ཡུལ་གཞན་འགྲོ་བར་གྱིས།།
iiif viewer powered by OpenSeadragon
