| e-texts navigator |
| Wylie |
354b1 ཟློག་པར་བྱེད། ། བསྟོད་པ་བྱས་ན་མཛའ་བྱེད་ལ།། མ་བསྟོང་མཛའ་བར་མི་བྱེད་ཅིང་།། མོད་ལ་ཡོངས་སུ་སྤོང་བྱེད་པ།། དེ་ནི་བྱིས་པའི་མཚན་ཉིད་ཡིན།། གལ་ཏེ་འདི་ནི་བྱས་པ་དག། སྒོ་བཤོག་བརྟོགས་པའི་བྱ་ལྟ་བུར།
354b2 བློ་སྤངས་ཤེས་རབ་མ་འཆལ་ན།། མཁས་པ་ཇི་ལྟར་འཚོ་བར་འགྱུར།། གང་ཕྱིར་བྱིས་པ་ཕལ་ཆེར་ནི།། བློ་གྲོས་སྤངས་ཤིང་ཤེས་རབ་འཚལ།། དེ་ཕྱིར་མཁས་པ་ཤེས་རབ་ཅན།། ཁྱད་པར་དུ་ནི་བདེ་བར་འཚོ།། མཁས་པས
354b3 ། ནོམོར་རྙེད་དགའ་བར་མི་འགྱུར་ལ།། འཕོངས་པར་གྱུར་ཀྱང་མི་འཁྲུལ་འཁྲུག་པ་མེད།། རྗེས་སུ་གཟུང་ཕྱིར་ཕན་པ་དེ་སྤྱན།། ལེགས་སྒྲ་ཡིན་ཞེས་གྱིས་ཅིས་རྟོགས།། མཁས་པ་ཟུ་ལུམས་མེད་པར་གྱུར་པ་དེ།
354b4 དེ་ཉིད་སྤྱད་པ་ལེགས་པར་མཉན་ནས་ནི།། དེ་ལྟར་རྣམ་པར་བསམས་ནས་རང་དོན་དང་།། གཞན་གྱི་དོན་དག་ལེགས་པར་སྤྱོད་པར་བྱེད།། མཁས་པ་རྣམས་ནི་འཚོ་བའི་རྒྱུ་ཙམ་གྱི།། སྡིག་པའི་ལས་རྣམས་ཀུན་ཏུ་སྤོང་མི
354b5 འགྱུར། ། གལ་ཏེ་བདེ་དང་སྡུག་བསྔལ་ལྡན་འགྱུར་ཀྱང་།། རྟག་ཏུ་ཆོས་འདོད་ཡོངས་སུ་གཏོང་བ་མེད།། བློ་ལྡན་གཡོ་རྒྱུ་ཅན་དུ་མི་འགྱུར་ཏེ།། རྨོངས་པར་མི་འགྱུར་ཚིག་ཙུག་ཁྲོ་མི་འགྱུར།། ཕོངས་པའི་གནས་ན་མྱ་ངན་མི་བྱེད
354b6 པ། ། གཞན་གྱི་གནད་ལ་འབེབས་པར་བྱེད་རེ་སྐན།། ཧ་ཅང་ཐལ་དང་ཧ་ཅང་ཞུམ་པ་ཡི།། དམན་པའི་མི་རྣམ་ལ་ཡང་མ་ཡིན་ཏེ།། བར་མའི་གནས་ལ་སྟེན་པར་བྱེད་པ་དག། དེ་ནི་མཁས་པ་རྣམས་ཀྱི་མཚན་ཉིད་ཡིན།།
354b7 ཧ་ཅང་ཐལ་བ་རྟག་ཏུ་འཁོན།། ཧ་ཅང་ཞུམ་པ་རྟག་ཏུ་བརྙས།། དེ་ཕྱིར་དེ་གཉིས་སྤངས་ནས་སུ།། གོ་འཕང་བར་མ་སྟེན་པར་བྱ།། རེས་འགའ་ལྐུགས་པ་འམ་འོན་པ་ལྟ་བུར་གྱིས།། དུས་ལ་བབནསས་བདག་བཞིན་དུ་སློས
iiif viewer powered by OpenSeadragon
