| e-texts navigator |
| Wylie |
352a1 བ་ཡི། ། ཀླུ་ཡི་རྒྱལ་པོ་གཉིས་བྱུང་བ།། གཅིག་གི་མིང་ནི་རྔ་ཞེས་བྱ།། གཉིས་པ་ཉེ་རྔ་ཞེས་བྱའོ།། གཉིས་ཀ་སྲོག་གཅོད་ལས་ལྡོག་ཅིང་།། ཚུལ་ཁྲིམས་ལྡན་ཞིང
352a2 དབང་ཆེར་གྲགས། ། ཀླུ་ཡི་སྐྱེ་གནས་ལ་སྨོད་ཅིང་།། མི་ཡི་སྲིད་པ་འདོད་པར་འགྱུར།། ཚུལ་ལྡན་མང་དུ་ཐོས་པ་ཡིས།། དགེ་སློང་བྲམ་ཟེ་མཐོང་བ་དང་།། མི་ཡི་ཚུལ་དུ་བསྒྱུར་ནས་ནི།། བསྙེན
352a3 བཀུར་དག་ནི་བྱེད་པར་འགྱུར། ། ཟླ་བ་ཡང་ངོའི་ཚེས་བརྒྱད་དང་།། བཅུ་བཞི་བཅོ་ལྔ་གང་ཡིན་པ།། དེ་ལ་ཡན་ལག་བརྒྱད་པ་ཡི།། གསོ་སྦྱོང་ལ་ནི་སེམས་མཉམ་འཇོག། དེ་གཉིས་སྔོན་གྱི་གནས།
352a4 སྤངས་ནས།། ཡུལ་གཞན་ཞིག་ཏུ་ཕྱིན་པ་དང་།། དེ་དང་ཉེ་བའི་གནས་དེ་ནས།། རྔ་སྒྲ་ཞེས་བྱའི་ཀླུ་གནས་སོ།། ཀླུ་ཡི་སྐྱེས་མཆོག་སྤུན་གཉིས་པོ།། དེ་གཉིས་འོང་བར་ངེས་ཤེས་ནས།། ཁེངས
352a5 ཤིང་ཁྲོས་པའི་ཡིད་ཀྱིས་སུ། ། དུ་བ་ཅན་གྱི་དབུགས་འབྱིན་ཅིང་།། ཁྱེད་གཉིས་ཆོས་སྤྱོང་མ་ཡིན་ཏེ།། གཡོན་ཅན་ཚུལ་འཆོས་པའོ་ཞེས།། རྔ་སྒྲས་ཚིག་ནི་རྩུབ་མོ་ཡིས།། ཡང་དང་ཡང་དུ་སྐོང
352a6 བྱེད་པ། ། དམན་པས་སྐྲོད་པ་ཐོས་པ་དང་།། ཉེ་རྔ་རབ་ཏུ་ཁྲོས་གྱུར་ཏེ།། དེ་ཚེ་ཕུ་བོ་རྔ་ལ་ནི།། ཚིག་རྣམས་ཀྱིས་ནི་གོ་བྱས་པ།། ཀྱེ་རྔ་མི་ཡི་འཇིག་རྟེན་དག། ཚིག་ངན་སྔོན་དུ་སྨྲ་བས་གདུང་བྱེད
352a7 ཅིང་། ། སྦལ་ཟན་ཆུ་ཡི་འགྲམ་ནས་སྐྱེས་པ་ཡིས།། མཆེ་བ་གདུག་པས་བདག་ཅག་སློད་པར་བྱེད།། འདི་ནི་ཆུ་ནང་དུད་འགྲོ་རྣམས་ལ་འཚེ།། ཐང་ལ་མི་རྣམས་ལ་ཡང་འཚེ་བར་བྱེད།། གཙོ་བོ
iiif viewer powered by OpenSeadragon
