| e-texts navigator |
| Wylie |
351b1 བསྟོད་དོ། ། སངས་རྒྱས་ཀྱི་སྟོབས་བསྐྱེད་པའི་ཚེ་འཕྲུལ་རྣམ་པར་འཕྲུལ་པ་བསྟན་པ་ཞེས་བྱང་ཐེག་པ་ཆེན་པོའི་མདོ་རྫོགས་སོ།། ། རྒྱ་ག་གད་དུ་ནཱ་གཱ་རཱ་ཛད་རཱ་གཱ་ཏཱ། བོད་སྐད་དུ
351b2 ཀླུའི་རྒྱལ་པོ་རྔ་སྒྲའི་ཚིགས་སུ་བཅད་པ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། དེ་བཞིན་གཤེགས་པས་རབ་བསྟན་པ།། བྱང་ཆུབ་སེམས་དཔའ་སྐྱེ་བའི་རབས།། ཐམས
351b3 ཅད་ལེགས་པར་འདུས་ནས་སུ། ། ཤིན་ཏུ་དང་བའི་སེམས་ཀྱིས་ཉོན།། རྫོགས་པའི་སངས་རྒྱས་ལྷ་ཡི་ལྷ།། དེ་བཞིན་གཤེགས་པ་བཞུགས་པ་ན།། དགེ་སློང་རྣམས་ནི་གཅིག་ལ་གཅིག། ཁ་སྟོབས
351b4 ལ་སོགས་རྣམས་ཀྱི་བགྱིད། ། དགེ་སློང་ཚིག་ངན་འདོན་པ་དག། དྲང་སྲོང་ཆེན་པོས་གསན་པ་དང་།། དེ་ཕྱིར་ཐུབ་པས་དགེ་འདུན་རྣམས།། བསྡུས་ནས་འདི་སྐད་བཀའ་སྩལ་ཏོ།། ཁྱེད་ཅག་ཁ་སྟོབས
351b5 ལ་སོགས་པས། ། གཅིག་ལ་གཅིག་ནི་འཚེ་བྱེད་པ།། ཁྱིམ་ནས་ཁྱིམ་མེད་རབ་བྱུང་དང་།། དེ་དག་འཐུན་པ་མ་ཡིན་ནོ།། རྟག་ཏུ་ཡང་དག་དགའ་བྱེད་པའི།། ཆོས་དྲུག་གང་ཡིན་ལ་འཇུག་པ།།
351b6 འདི་ནི་ཁྱིམ་ནས་ཁྱིམ་མེད་པར།། རབ་ཏུ་བྱུང་བ་རྣམས་དང་འཐུན།། སེམས་ཅན་ཀུན་ལ་སྙིང་བརྩེའི་ཕྱིར།། འཚེ་བ་མེད་པར་རབ་བསྒོམས་ནས།། ཇི་ལྟ་བྱང་ཆུབ་དོན་གཉེར་བ།། དགེ་སློང
351b7 ང་ལས་འདི་ཉོན་ཅིག། ཤེས་རབ་ལྡན་པ་མི་ཡིས་ནི།། ཐོས་ནས་སྡིག་པ་རྣམས་སྤོང་ལ།། གྲུབ་དང་བདེ་བའི་ཐོབ་བྱའི་ཕྱིར།། དགེ་བའི་ཆོས་ལ་སྤྱད་པར་གྱིས།། སྔོན་གྱི་སྤུན་དྲུང་གྱུར
iiif viewer powered by OpenSeadragon
