| e-texts navigator |
| Wylie |
348b1 སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་རྣམས་སུ་སྐྱེ་བར་འགྱུར་ཏེ། ལུས་དེ་ཡང་འཚོ་བའི་ཁམས་ཀྱི་དབང་གིས་འགྲོ་ཞིང་འཚོ་བའི་ཁམས་ཀྱིས་ཡོངས་སུ་བཏང་ཡང
348b2 མི་རྟོག་རྣམ་པར་མི་རྟོག་གོ། ། རིགས་ཀྱི་བུ་དེ་བཞིན་དུ་ལུས་གོས་ལྟ་བུར་བལྟ་བར་བྱའོ།། རིགས་ཀྱི་བུ་འདི་ལྟ་སྟེ་དཔེར་ན། སྒྱུ་མ་ལ་ནི་ལས་ཀྱི་རྐྱེན་གྱིས་དུས་ཀྱི་མཐར་ཤུན་པ་དེ་བོར་ནས་རང་གི་ལུས་ཀྱི་གཟུག
348b3 ཀྱིས་འགྲོ་ཞིང་འོང་སྟེ། བདེ་བ་དང་། སྡུག་བསྔལ་མྱོང་བར་གྱུར་ཀྱང་ཤུན་པ་དེ་མི་རྟོག་རྣམ་པར་མི་རྟོག་གོ།། དེ་བཞིན་འཚོར་བའི་ཁམས་ནི་སྦྲུལ་ལྟ་བུར་བལྟའོ།། རིགས་ཀྱི་བུ་འདི་ལྟ་སྟེ་དཔེར་ན
348b4 ཤིང་ལོ་མ་དང་འདབ་མར་ལྡན་པར་གྱུར་པ་ལས། ཡང་དུས་ཀྱི་རྐྱེན་གྱིས་འཇིག་པ་དང་། ལྟུང་བར་མཐར་གྱུར་པའི་ཆོས་ཅན་དུ་གྱུར་ནས། ཕྱིས་ཡང་དུས་ཀྱི་རྐྱེན་གྱིས་མྱུ་གུ་དང་། ཡལ་ག་དང
348b5 འདབ་མ་དང་། མེ་ཏོག་དང་། འབྲས་བུ་རྣམས་ལེན་ཏེ། རིགས་ཀྱི་བུ་དེ་བཞིན་དུ་ལས་ཀྱི་རྐྱེན་གྱིས་སྐྱེ་བ་དང་། འགག་པར་བལྟའོ།། རིགས་ཀྱི་བུ་ཡང་ཕྱི་མའི་དུས་ཕྱི་མའི་ཚེ་ན། སེམས་ཅན་དག་རྙེང
348b6 པ་དང་། ཆགས་པ་དང་། ཁྲོ་བ་དང་ཕྲག་དོག་དང་། ང་རྒྱལ་མང་བ་དག་འབྱུང་སྟེ། སྲང་དང་། གཞལ་བ་ལ་གཡོ་བྱེད་པར་དགའ་བ། འདོད་ཆགས་ཀྱི་རྗེས་སུ་སྤྱོད་པ་དག་འབྱུང་སྟེ། དེ་དག་འདོད
348b7 བའི་རྒྱུ་དང་། ། འདོད་པའི་གཞིས་སྡིག་པ་མང་དུ་བྱེད་པར་འགྱུར་ཏེ། སྡིག་པ་མང་དུ་བྱས་ནས་སྡུག་བསྔལ་མྱོང་བར་འགྱུར་ཞིང་། མི་རྟག་པ་ལ་རྟག་པའི་འདུ་ཤེས་ཅན་དང་། མི་གཙང་བ་ལ་གཙང
iiif viewer powered by OpenSeadragon
