| e-texts navigator |
| Wylie |
346b1 བ་དང་། མངོན་སུམ་དུ་མཆོད་པས་ལོ་འབུམ་གྱི་བར་དུ་མཆོད་པར་འགྱུར་རོ།། གང་ཡང་འཛམ་བུའི་གླིང་འདི་དེ་བཞིན་གཤེགས་པའི་རིང་བསྲེལ་གྱི་མཆོད་རྟེན་རིན་པོ་ཆེ་སྣ་བདུན་ལས་བྱས་པས
346b2 གང་བར་བྱས་ཏེ། ལྷའི་ཕྲེང་བ་དང་། བྱུག་པ་དང་། མེ་ཏོག་དང་། མར་མེ་དང་། རིན་པོ་ཆེའི་གདུགས་དང་། སིལ་སྙན་དང་། རྒྱལ་མཚན་དང་། བ་དན་རྣམས་ཀྱིས་ལོ་འབུམ་དུ་བཀུར་སྟི་བྱས་ཏེ།
346b3 བརྗེད་ཅིང་མཆོད་པ་བས། གང་ཆོས་ཀྱི་རྣམ་གྲངས་འདི་འཆང་བ་དང་། ཀློག་པ་དང་།། མཆོད་པ་དང་། འདྲི་བ་དང་། འདྲིར་འཇུག་པ་དང་། གཞན་དག་ལ་ཡང་དག་པར་རབ་ཏུ་བསྟན་ན།། དེ་བས
346b4 འདི་ཆེས་བསོད་ནམས་མང་དུ་འཕེལ་ལོ། ། རིགས་ཀྱི་བུ་གང་ལ་ལ་ཞིག་གིས་འཛམ་བུའི་གླིང་སེམས་ཅན་དེ་དག་འཕགས་པའི་ལམ་ཡན་ལག་བརྒྱད་པ་ལ་གཞོག་ཅིང་། བཞག་ནས་ཀྱང་ལྷའི་ལོ་སྟོང
346b5 དུ་ཡོ་བྱད་ཐམས་ཅད་ཀྱིས་མི་བྲེལ་བར་བརྗེད་ཅིང་། མཆོད་པ་བས་གང་གིས་ཆོས་ཀྱི་རྣམ་གྲངས་འདི་ལས་ཚིག་བཞི་པའི་ཚིགས་སུ་གཅད་པ་ཙམ་ཡང་མཉན་པ་དང་། འཆང་བ་དང་། འདྲི་བ་དང་།
346b6 འདྲིར་འཇུག་པ་དང་། གཞན་ལ་རྒྱས་པར་བྱེད་ན། དེ་བས་འདི་ཆེས་བསོད་ནམས་མང་དུ་འཕེལ་ལོ།། དེ་ནས་བཅོམ་ལྡན་འདས་ཀྱིས་དོན་འདི་ཉིད་རྒྱ་ཆེར་བརྗོད་པའི་བྱ་བའི་ཕྱིར། དེའི་ཚེ་ཚིགས་སུ
346b7 བཅད་པ་འདི་དག་གསུངས་སོ། ། ཞིང་སྟོང་བྱེ་བ་གཞན་དུ་གནས་པ་ཡི།། སངས་རྒྱས་མཁས་པ་མཐའ་ཡས་བྱེ་བ་དག། སེམས་ཅན་རྣམས་ཀྱི་ཕྱིར་ནི་དགོས་མཛད་ཅིང་།། ངན་འགྲོ་ལས
iiif viewer powered by OpenSeadragon
