| e-texts navigator |
| Wylie |
345b1 ཁྲག་ཁྲིག་བརྒྱ་སྟོང་དུ་མར་སྡུག་བསྔལ་བ། སྐྱེ་བ་དང་འགག་པའི་སྡུག་བསྔལ་དང་། མངལ་ན་གནས་པའི་སྡུག་བསྔལ་དང་། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག
345b2 རྟེན་གྱི་སྡུག་བསྔལ་དང་། དབུལ་བའི་སྡུལ་བསྔལ་དང་། གཅོད་པ་དང་། གཞོམ་པ་དང་། བརྡུང་བ་དང་། བརྡེག་པ་དང་། སྲེད་པའི་སྡུག་བསྔལ་མྱོང་བར་འགྱུར་ཏེ། འདུ་བྱེད་ཐམས་ཅད་ཡོངས
345b3 སུ་སྤངས་ཏེ། འགྲོ་དགོས་པས་རྒྱལ་པོ་ཆེན་པོ་ཁྱོད་ཀྱིས་སྙིང་བརྩེ་བ་གཙོ་བོར་བྱ་བ་དང་། ཆོས་དང་ཕར་པ་འདོད་པར་བྱའོ།། དེ་ནས་ཐམས་ཅད་དང་ལྡན་པའི་འཁོར་དེ་དང་། རྒྱལ་པོ་གསལ
345b4 རྒྱལ་གྱིས་འཇམ་དཔལ་ལ་ལེགས་སོ་ཞེས་བྱ་བ་བྱིན་ཏེ། འཇམ་དཔལ་ལེགས་སོ་ལེགས་སོ།། ཆོས་ཀྱི་ཆར་ཕབ་པས་བདག་ཅག་ཚིམ་པར་བགྱིས་ཚིམ་པར་བགྱིས། རང་བར་བགྱིས
345b5 བྱང་ཆུབ་ལ་རབ་ཏུ་གཞག་པས་བག་ཡོད་པར་བགྱིའོ། ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ལྟད་མོ་ཅན་གྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་གང་ལ
345b6 ལ་ཞིག་ཆོས་ཀྱི་རྣམ་གྲངས་འདི་འཆང་བ་དང་། ཀློག་པ་དང་།། གཞན་ལ་རྒྱ་ཆེར་ཡང་དག་པར་བསྟན་པ་དང་། འདྲི་བ་དང་། འདྲིར་འཇུག་པ་དང་། འདྲི་བ་པོ་དང་། འཆང་བ་པོ་དང་། ཀློག་པ་པོ་དེ་དག་ལ
345b7 མེ་ཏོག་དང་། སྤོས་དང་། དྲི་དང་། ཕྲེང་བ་དང་། བྱུག་པ་དང་། གོས་དང་། རྒྱན་རྣམས་ཀྱིས་མཆོད་ན། བཅོམ་ལྡན་འདས་དེའི་བསོད་ནམས་ཇི་སྙེད་ཅིག་སྐྱེ་བར་འགྱུར། བཅོམ་ལྡན་འདས
iiif viewer powered by OpenSeadragon
