| e-texts navigator |
| Wylie |
216a1 འདུ་བ་ཐམས་ཅད་སྡུད་པ་ལྟར།། བྱང་ཆུབ་སེམས་དཔའ་ཆོས་ཉིད་གང་དུའང་མི་འགྲོ་ལ།། སངས་རྒྱས་ས་ཡི་ཡོན་ཏན་གང་ཡིན་ཐམས་ཅད་སྡུད།། གང
216a2 ལ་བདེ་གཤེགས་བྱང་ཆུབ་སེམས་དཔའ་དང་བསྟན་ཡོད། ། ཤེས་རབ་ཕ་རོལ་ཕྱིན་པ་མཆོག་ལ་བསམ་སྦྱོར་བ།། ཉན་ཐོས་རང་རྒྱལ་ས་གཉིས་ཤིན་ཏུ་འདས་བྱས་ནས།། ཟིལ་གྱིས་མི
216a3 ནོན་རྒྱལ་བའི་བྱང་ཆུབ་མྱུར་དུ་འཐོབ། ། དཔེར་ན་རྒྱ་མཚོར་འཇུག་པའི་གྲུ་ནི་ཆག་འགྱུར་ལ།། མི་གང་རོ་འམ་རྩཝ་འམ་ཤིང་ནི་མི་འཛིན་པར།། ཆུ་དབུས་འཇིག་པར་འགྱུར་ཏེ་ངོགས་སུ་ཕྱིན
216a4 མི་འགྱུར། ། གང་ཞིག་འཛིན་པ་རྒྱ་མཚོའི་ཕ་རོལ་ཕྱིན་པར་འགྱུར།། དེ་ལྟར་དང་ལྡན་དང་བ་ཐོབ་པ་གང་ཞིག་ནི།། ཤེས་རབ་ཕ་རོལ་ཕྱིན་ཡུམ་རྗེས་སུ་མི་འཇུག་མིན།། དེ་དག་ཐབས་ཀྱི
216a5 ཡོན་ཏན་ཤེས་རབ་ཡོངས་ཟིན་ན། ། མཆོག་ཏུ་རྨད་བྱུང་བདེ་གཤེགས་བྱང་ཆུབ་མྱུར་དུ་རེག། དཔེར་ན་ལ་ལ་རྫ་སོ་མ་གཏང་ཆུ་སྐྱེད་ན།། ཉམ་ཆུང་ཕྱིར་ནི་མྱུར་དུ་འཇིག་པར་རིག་པར་བྱ།།
216a6 སོ་བཏང་བུམ་པར་ཆུ་བསྐྱེད་ལམ་དུ་འཇིག་པ་ཡི།། འཇིགས་པ་མེད་ཅིང་བདེ་བར་ཁྱིམ་དུ་ཕྱིན་པར་འགྱུར།། དེ་བཞིན་བྱང་ཆུབ་སེམས་དཔའ་དད་པ་མང་གྱུར་ཀྱང་།། ཤེས་རབ་རྣམ་པར
216a7 ཉམས་ན་མྱུར་དུ་མ་རུངས་འགྱུར། ། དད་པས་ཤེས་རབ་དེ་ནི་ཡོངས་སུ་ཟིན་གྱུར་ན།། ས་གཉིས་ཤིན་ཏུ་འདས་ཏེ་བྱང་ཆུབ་མཆོག་ཐོབ་འགྱུར།། དཔེར་ན་བཅོས་ལེགས་མ་བྱས་གྲུ་ནི་རྒྱ་མཚོའི
iiif viewer powered by OpenSeadragon
