| e-texts navigator |
| Wylie |
209b1 མ་འོངས་པ་ཡི་དུས་ན་སངས་རྒྱས་འགྱུར་རོ་ཞེས།། ང་ལུང་བསྟན་པར་གྱུར་ཅེས་རྒྱལ་བ་དེ་སྐད་གསུངས།། ཤེས་རབ་ཕ་རོལ་ཕྱིན་པ་གང་ལ་མགོན་སྤྱོད་པ།། འདི་ནི་གང་ཞིག་གུས་བྱས་འཛིན
209b2 རང་ཆུབ་བྱེད་པ། ། དེ་ལ་དུག་དང་མཚོན་དང་མེ་དང་ཆུས་མི་ཚུགས།། བདུད་དང་བདུད་ཀྱི་ཕྱོགས་ཀྱིས་གླགས་ཀྱང་རྙེད་མི་འགྱུར།། ལ་ལས་བདེ་གཤེགས་ཡོངས་སུ་མྱ་ངན་འདས་པ་ཡི།།
209b3 མཆོད་རྟེན་རིན་ཆེན་བདུན་ལས་བྱས་ཤིང་མཆོད་བྱེད་ལ།། བདེ་བར་གཤེགས་པའི་མཆོད་རྟེན་དེ་དག་གངྒཱ་ཡི།། བྱེ་མ་སྙེད་ཀྱིས་བྱེ་བ་ཕྲག་སྟོང་ཞིང་བཀང་སྟེ།། ཡོངས་སུ་བརྟགས་གཟུང་ཞིང
209b4 རྣམས་བྱེ་བ་མཐའ་ཡས་ན། ། སེམས་ཅན་ཇི་སྙེད་འཁོད་པ་དེ་དག་ཐམས་ཅད་ཀྱིས།། ལས་གཞན་མི་བྱེད་ལྷ་ཡི་མེ་ཏོག་སྤོས་རབ་དང་།། བྱུག་པས་དུས་གསུམ་བཞལ་བའམ་དེ་བས་ལྷག
209b5 མཆོད་ལ། ། གང་ཞིག་གང་ལས་རྣམ་འདྲེན་སྟོབས་བཅུ་འབྱུང་འགྱུར་བ།། བདེ་བར་གཤེགས་པའི་ཡུམ་འདི་གླེགས་བམ་ལ་བྲིས་ཏེ།། འཆང་ཞིང་མེ་ཏོག་བྱུག་པས་བསྟི་སྟང་བྱེད་འགྱུར་ན།།
209b6 མཆོད་རྟེན་བྱས་མཆོད་བསོད་ནམས་དེས་ནི་ཆར་མི་ཕོད།། རྒྱལ་བའི་ཤེས་རབ་ཕ་རོལ་ཕྱིན་འདི་རིག་སྔགས་ཆེ།། སེམས་ཅན་ཁམས་ཡང་མྱ་ངན་སྡུག་བསྔལ་ཆོས་ཞི་བྱེད།། གང་དག་འདས
209b7 དང་གང་དག་ཕྱོགས་བཅུའི་འཇིག་རྟེན་མགོན། ། རིག་སྔགས་འདི་བསླབས་སྨན་པའི་རྒྱལ་པོ་བླ་མེད་གྱུར།། གང་དག་ཕན་དང་སྙིང་རྗེར་བཅས་པར་སྤྱད་སྤྱོད་པ།། རིག་སྔགས་འདི་ལ་བསླབས
iiif viewer powered by OpenSeadragon
