| e-texts navigator |
| Wylie |
207a1 བསྟན་ཡིན། ། བདག་ནི་མཉམ་པར་གཞག་ཅེའམ་ལངས་ཤེས་རློམ་སེམས་མེད།། ཅིའི་ཕྱིར་ཞེ་ན་ཆོས་ཀྱི་རང་བཞིན་ཡོངས་ཤེས་ཕྱིར།། དེ་ལྟར་སྤྱོད་ན་བདེ
207a2 གཤེགས་རྣམས་ཀྱི་ཤེས་རབ་སྤྱོད། ། དེས་ནི་སྤྱོད་མེད་སྤྱོད་པ་ཡིན་པར་རབ་ཤེས་ཕྱིར།། ཆོས་གང་སྤྱོད་པ་དེ་ཡང་དམིགས་པར་མི་འགྱུར་ཏེ།། འདི་ནི་ཤེས་རབ་ཕ་རོལ་ཕྱིན་མཆོག་སྤྱོད་པ་ཡིན།
207a3 གང་ཞིག་ཡོད་པ་མ་ཡིན་དེ་ནི་མེད་ཅེས་བྱ།། བྱིས་པ་རྣམས་ཀྱིས་དེ་བརྟགས་ཡོད་དང་མེད་པར་བྱེད།། ཡོད་དང་མེད་པ་འདི་གཉིས་མེད་པའི་ཆོས་ཡིན་ཏེ།། བྱང་ཆུབ་སེམས་དཔའ་གང་གིས
207a4 འདི་ཤེས་ངེས་པར་འབྱུང་། ། གང་འདིར་ཕུང་པོ་ལྔ་དག་སྒྱུ་མ་འདར་ཤེས་ཤིང་།། སྒྱུ་མ་གཞན་དང་ཕུང་པོ་གཞན་དུ་མི་བྱེད་ལ།། སྣ་ཚོགས་འདུ་ཤེས་བྲལ་ཞིང་ཉེ་བར་ཞི་སྤྱོད་པ།། འདི་ནི།
207a5 ཤེས་རབ་ཕ་རོལ་ཕྱིན་མཆོག་སྤྱོད་པ་ཡིན།། དགེ་བའི་བཤེས་དང་ལྡན་ཞིང་ལྷག་མཐོང་ལྡན་གྱུར་པ།། རྒྱལ་བ་རྣམས་ཀྱི་ཡུམ་མཐུས་སྐྲག་པར་ཡོངས་མི་འགྱུར།། གང་ཞིག་སྡིག་པའི
207a6 གྲོགས་ལྡན་གཞན་གྱི་དྲིང་མི་འཇོག། དེ་ནི་སྣོད་སོ་མ་བཏང་ཆུ་རེག་ཞིག་པ་བཞིན།། ཅི་ཕྱིར་འདི་ནི་བྱང་ཆུབ་སེམས་དཔའ་བྱ་ཞེ་ན།། ཆགས་པ་གཅོད་བྱེད་ཀུན་ལ་ཆགས་པ་ཟད་པར་འདོད།
207a7 རྒྱལ་བ་རྣམས་ཀྱི་བྱང་ཆུབ་ཆགས་མེད་གྱུར་ལ་རེག། དེས་ན་འདི་ནི་བྱང་ཆུབ་སེམས་དཔའི་མིང་ཐོབ་བོ།། ཅི་ཕྱིར་འདི་ནི་སེམས་དཔའ་ཆེ་ཞེས་བྱ་ཞེ་ན།། སེམས་ཅན་ཚོགས་མང་པོ་ཡི་མཆོག
iiif viewer powered by OpenSeadragon
