| e-texts navigator |
| Wylie |
206b1 སྐད་ཐོས་ནས་རྨོངས་པ་མེད་ཅིང་མི་སྐྲག་པ། ། བྱང་ཆུབ་སེམས་དཔའ་དེ་ནི་བདེ་གཤེགས་ཤེས་རབ་སྤྱོད།། གཟུགས་མེད་ཚོར་བ་མེད་ཅིང་འདུ་ཤེས་སེམས་པ་མེད།། དེ་ལ་རྣམ་ཤེས
206b2 གནས་ནི་རྡུལ་ཙམ་ཡོད་པ་ཡིན། ། དེ་ཆོས་ཀུན་ལ་མི་གནས་གནས་པ་མེད་པར་སྦྱོར།། ཡོངས་སུ་གཟུང་མེད་བདེ་གཤེགས་རྣམས་ཀྱི་བྱང་ཆུབ་འཐོབ།། ཇི་ལྟར་ཀུན་ཏུ་རྒྱུ་བ་བཟོ་སྦྱངས་ཤེས་པ
206b3 ཡིས། ། དམིགས་མེད་ཕུང་པོ་རྣམ་པར་འཇིག་པར་འབྱུང་བ་ལྟར།། བྱང་ཆུབ་སེམས་དཔའ་གང་ཞིག་དེ་ལྟར་ཆོས་ཤེས་པ།། མྱ་ངན་འདས་ལ་མི་རེག་དེ་ནི་ཤེས་རབ་གནས།། ཡང་འདི
206b4 ཤེས་རབ་འདི་ནི་གང་ཡིན་སུ་ཡི་ཡིན། ། གང་ལས་ཡིན་ཞེས་ཆོས་འདི་ཐམས་ཅད་སྟོང་པར་རྟོག། ཉེ་བར་བརྟགས་ནས་ཞུམ་པ་མེད་ཅིང་སྐྲག་མེད་པ།། བྱང་ཆུབ་སེམས་དཔའ་དེ་ནི་བྱང་ཆུབ
206b5 ཉེ་བ་ཡིན། ། གལ་ཏེ་མི་ཤེས་བཞིན་དུ་གཟུགས་སུ་འདུ་ཤེས་ཤིང་།། ཚོར་བ་སེམས་པ་རྣམ་ཤེས་ཕུང་པོར་སྤྱོད་བྱེད་ན།། ཕུང་འདི་སྟོང་ཞེས་རྟོག་ནའང་བྱང་ཆུབ་སེམས་དཔའ་ནི།།
206b6 མཚན་མ་ལ་སྤྱོད་སྐྱེ་མེད་གནས་ལ་དང་མ་ཡིན།། གང་ཞིག་གཟུགས་མིན་ཚོར་མིན་འདུ་ཤེས་སེམས་པ་མིན།། རྣམ་པར་ཤེས་ལ་མི་སྤྱོད་གནས་པ་མེད་པར་སྤྱོད།། དེ་ནི་སྤྱོད་ཅེས་བྱ།
206b7 བར་མི་དམིགས་ཤེས་རབ་བརྟན།། སྐྱེ་མེད་བློ་ལྡན་ཏིང་འཛིན་ཞི་བ་མཆོག་ལ་རེག། བྱང་ཆུབ་སེམས་གང་དེ་ལྟར་འདིར་བདག་ཞིར་གནས་པ།། དེ་ནི་སྔོན་གྱི་དེ་བཞིན་གཤེགས་པས་ལུང
iiif viewer powered by OpenSeadragon
