| e-texts navigator |
| Wylie |
196a1 @རིག་པ་ལའང་མོས་པར་བྱ་བའི་གཟུགས་རྗེས་སུ་འཇུག་པར་མི་འགྱུར་བ་ཞིག་ན། རབ་འབྱོར་འདི་ལྟར་མོས་པར་བྱ་བ་ལ། སེམས་ཅན་མོས་པ་ཐ་དད་པ་རྣམས་དང་མཚུངས
196a2 པར་ལྟ་བ་ཐ་དད་པར་ཡང་མ་གྱུར་ཅིང་། རྨི་ལམ་ལ་སོགས་པ་ལའང་དམིགས་པ་མེད་པའི་མོས་པ་དེ་དམིགས་ལ། བྱིས་པ་སོ་སོའི་སྐྱེ་བོ་རྣམས་ཀྱང་གཟུགས་ལ་དེ་ཁོ་ན་མཐོང་བར་མ་གྱུར་ཏེ།
196a3 རྣམ་པར་མི་རྟོག་པའི་མོས་པ་གྲུབ་པ། རིག་པ་ལའང་མོས་པར་བྱ་བའི་གཟུགས་རྗེས་སུ་འཇུག་སྟེ། དེའི་ཕྱིར་བྱང་ཆུབ་སེམས་དཔས་མོས་པའི་གཟུགས་ལས། མོས་པར་བྱ་བའི་གཟུགས
196a4 ཀྱི་མཚན་ཉིད་གུད་ན་མེད་པར་བལྟ་བར་བྱའོ། ། གཞན་དུ་ན་མོས་པར་བྱ་བའི་གཟུགས་དེ་ཇི་ལྟ་བ་བཞིན་དུ། མཚན་མ་དང་བཅས་པའི་ལྟ་བའི་མོས་པའི་གཟུགས་ཀྱང་ཡང་དག་པར་བྱུང་བ་ནི་མ
196a5 གཏོགས་སོ། ། དེ་བས་ན་དོན་གཞན་སྣང་ངོ་།། དེ་ལྟར་མཐོང་བའི་བྱང་ཆུབ་སེམས་དཔས་མོས་པར་བྱ་བའི་གཟུགས་ཀྱི་འདུ་ཤེས་རྣམ་པར་འཇིག་སྟེ། དེ་འདི་སྙམ་དུ་སེམས་སོ།། མོས
196a6 བར་བྱ་བའི་གཟུགས་ཡོད་ན། མོས་པའི་གཟུགས་ཀྱང་རིག་པར་འགྱུར་གྱི། མེད་ན་ནི་མ་ཡིན་པར་རིག་ནས། གཟུགས་ལ་འཁྲུལ་པའི་སེམས་དམིགས་ཏེ། མོས་པའི་གཟུགས་ཀྱི་འདུ
196a7 ཤེས་ཀྱང་རྣམ་པར་འཇིག་གོ། ། དེ་གཟུགས་ཐམས་ཅད་ཀྱི་འདུ་ཤེས་རྣམ་པར་བཤིག་ཅིང་། གཟུགས་ཀྱི་འདུ་ཤེས་ཐམས་ཅད་བཤིག་ནས། གཟུགས་ཐམས་ཅད་མི་དམིགས་སོ།།
iiif viewer powered by OpenSeadragon
