| e-texts navigator |
| Wylie |
189b1 འཇིགས་པ་དང་ལྡན་ཞིང་། གཟུགས་ཀྱི་ཆོས་ཀྱི་དབྱིངས་ལས་མི་གཡོ་བར། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། རབ་འབྱོར་བྱང་ཆུབ་སེམས
189b2 དཔའ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་དངོས་པོ་མེད་པར་མཁས་པ་ནི། རྣམ་པར་ཤེས་པ་འཇིག་པ་དང་ལྡན་ཞིང་། རྣམ་པར་ཤེས་པའི་ཆོས་ཀྱི
189b3 དབྱིངས་ལས་མི་གཡོ་བར། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། བློ་ལྡན་དངོས་པོ་མོད་མཁས་པ།། རྣམ་པར་འཇིག་དང་ལྡན་གྱུར་ཅིང་།།
189b4 ཆོས་ཀྱི་དབྱིངས་ལས་མི་གཡོ་བར། ཐམས་ཅད་མཁྱེན་པ་ཉིད་ཐོབ་འགྱུར།། རབ་འབྱོར་བྱང་ཆུབ་སེམས་དཔས་གཟུགས་ལ་དོན་དང་བྲལ་བ་དང་། དོན་མེད་པ་དང་། དོན་ཆེན་པོར་ཡང་དག་པ
189b5 ཇི་ལྟ་བ་བཞིན་དུ་རབ་ཏུ་ཤེས་ན། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། རབ་འབྱོར་བྱང་ཆུབ་སེམས་དཔས་ཚོར་བ་དང་། འདུ་ཤེས་དང་། འདུ
189b6 བྱེད་རྣམས་དང་། རྣམ་པར་ཤེས་པ་ལ་དོན་དང་བྲལ་བ་དང་། དོན་མེད་པ་དང་། དོན་ཆེན་པོར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ན། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང
189b7 ཆུབ་མངོན་པར་རྫོགས་པར་འཚང་རྒྱའོ། ། དོན་བྲལ་བ་དང་དོན་མེད་དང་།། དོན་ཆེ་བ་ཡི་དོན་དུ་ནི།། ཤེས་ནས་བྱང་ཆུབ་སེམས་དཔའ་རྣམས།། བྱང་ཆུབ་ཆེན་པོ་ཐོབ་པར་འགྱུར།། རབ་འབྱོར
iiif viewer powered by OpenSeadragon
